قاطو كحلوشي المعسل وصفة (جزائرية) جديدة حصريا من المطبخ جزائري الجزائري

السلام عليكم اخواتي
دائما مع الوصفات جزائرية الجديدة والحصرية جبتلكم اليوم حلوى ساهلة وبنينة بزاااااف خاصة لمحبي الكاكاو
مقادير العجينة:
250غ مرقرين،نصف كاس سكر رطب،2صفار بيض ونحتفظ بالبياض،نصف كاس كاوكاو محمص ومرحي رقيق،نصف كاس نشاء،نصف كاس كاكاو اسود،نصف باكي خميرة،فرينة
اما باقي المكونات:
بياض 2 بيض لي كنا احتفظنا بيه قبل،كاوكاو محمص ومرحي خشن،عسل، شكولة
الطريقة:
بواسطة الخلاط الكهربائي نخلط المرقرين والسكر جيدا ثم نضيف صفار البيض ونخلط ثم الكاوكاو المرحي رقيق ونحرك واخير الكاكاو والنشاء والخميرة والفرينة حتى نتحصل على عجينة تشبه عجينة الصابلي نشكل كويرات بحجم 20غ او اقل شوية نحطهم في بياض البيض ثم الكاوكاو المحمص والمرحي خشن ونحطهم في لي كيسات لازم يطيبو فيهم لاننا راح نعسلهم فيما بعد وهذا شكلهم قبل ما ندخلهم للفرن
http://http://up.top4top.net/uploads/2014/1...165d5e3a41.jpg
ندخلهم الفرن يطيبو على درجة180 درجة في هذا الوقت نسخن العسل ونضيف له شوية فقط من ماء الزهر لازم يكون خاثر بعد ما تطيب الحلوى نخرجها من الفرن ونسقيها تقريبا نعمل م ك عسل او اكثر في كل حبة على حسب الحجم لازم نسقيها مليح نخليها تبرد تمااااما ونزينها بخطوط الشكولة من الاحسن الخطوط تكون متقاربة تعطي شكل جميل للحلوىهذا شكلها النهائي
http://http://up.top4top.net/uploads/2014/1...ae469c3d41.jpg
http://http://up.top4top.net/uploads/2014/1...0afa7181c1.jpg
وهذا شكلها من الداخل اممممممممم
http://http://up.top4top.net/uploads/2014/1...8633016d11.jpg
نتمنى تعجبكم الحلوى وتجربوها ولاتنسوني اخواتي من صالح دعائكن




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©