حمله لاااااااااااااااا للتلفزيون

حمله لاااااااااااااااا للتلفزيون



http://www.dzbatna.com/vb/images/smilies/rose.gifhttp://www.dzbatna.com/vb/images/smi...8-dbttwedi.gifhttp://www.dzbatna.com/vb/images/smi...8-dbttwedi.gifhttp://www.dzbatna.com/vb/images/smilies/rose.gif

قولي معايا لا لشغل طفلك ببرامج التلفزيون وتعالي معايا نشغلهم بحاجات مفيده

اخواتي كل اطباء الاطفال وكمان الاطباء النفسيين بيقولوا ان الطفل مش مفروض يتفرج علي التلفزيون اكتر من ساعتين في اليوم طيب نشغل الطفل في ايه تعالوا كل واحده تفكر وتقولنا بتعمل ايه عشان تشغل اولادها في حاجات مفيده

هاقولكم تجربتي مع بنتي
دفاتر التلوين حلوه كتيييييييييير بتشغل بنتي و بتحبها كتير علمتها اذاي تلون واسماء الالوان و لما بدات تلون بدات ترسم لوحدها واكتشفت ان عندها موهبه بالرسم وانا دايما بشجعها علي الرسم واعلق الرسومات بتاعتها علي الحائط و ده شيء بيفرحها كتير وبيشجعها جدا انها تستمر

برنامج عالم سمسم برنامج حلو ومفيد اسيبها تتفرج عليه وبعد ما يخلص اتكلم معاها ايه اللي اتعلمته من الحلقه واركز علي تعلميها سلوكيات كويسه من البرنامج زي غسل الاسنان او قبل الاكل غسل الايدين

بحاول اعلمها الارقام اكتبها واكررها قدامها وهي تردد ورايا وكمان علمتها اسامي الاشكال

بعلمها القرآن والحمد لله وماشاء الله ولا قوه إلا بالله حفظت سور كتير

بخليها تقف جنبي تصلي و تقلدني وعندها خمار ما شاء الله علي شكلها وهيه لابساه وكمان بعلمها الادعيه و الاذكار

بيحكيلها قصص من تاليفي وافهمها من خلال القصه غلط بتعمله او صفه كويسه احبها تتعلمها زي المحافظه علي الامانه او عدم الانانيه او النظام وغيرها من الصفات اللي يصعب علي الطفل انه يفهمها لو اتشرحت ليه بمجرد كلام لان الطفل الصغير ما يفهم غير معني الاشياء الملموسه ( شوفوا موضوعي طريقتي الخاصه في التعامل مع تصرفات الطفل الخاطئه واتعلموا )

اسيبها تلعب مع لعبها و تفرشهم علي الارض عادي ليه اشتريلها لعب وبعدين اقولها لا ماتلعبي بيها عشان البيت يفضل مرتب ونظيف و احيانا بلعب معاها باللعب لاني بحن دايما لايام طفولتي وبعد ما نخلص لعب ترتب كل حاجه مكانها كنت الاول بساعدها لكن دلوقتي هيه شطوره بتلمهم لوحدها

بتكلم مع بنتي في كل حاجه واخد رايها واحنا بنتكلم وكمان باخد رايها لما نخرج نشتري اي حاجه وده بيديها ثقه في نفسها وبيعودها تبقي ليها شخصيتها المستقله

بنخرج نتسوق او نروح الالعاب او اي حديقه علشان تلعب مع اطفال في سنها وده طبعا بيسعدها جدا

النت عليه برامج مفيده واغاني لتعليم الارقام والحروف مناسب لشغل الطفل ولتعليمه وانا زودت علي كده اني بجيب صوره معالم زي برج ايفل من علي النت و اوريه لبنتي واعرفها ده اسمه ايه وماشاء الله عليها ابوها بيذهل من غزاره معلوماتها

مجلات الاطفال كمان مفيده بشتري كل فتره مجله واحكيلها الحكايات اللي فيه وفيها صفحه للتلوين والرسم والالعاب

واخر حاجه بدخلها معايا المطبخ واقولها انا بطبخ اذاي وبخليها احيانا تحط المكونات زي مكونات العصير وده شيء بيفرحها جدا جدا

صديقاتي كل واحده فيكم بتقول انتي عندك بنت واحده او لانك فاضيه بتعملي كده لا انا عندي طفل كمان هوه صحيح لسه صغير لكن طلباته ما بتخلص و بلعب معاه وكمان عندي جوزي بعتبره عيل من عيالي مش بيعرف يعمل حاجه لوحده ومع ذلك انا بخلق الوقت اللي اتمتع بيه بصحبه بنتي لانها اهم حاجه في حياتي ونعمه من ربنا بحمده عليها في كل وقت

ياتري اولادكم يستاهلوا منكم انكم تفضوا نفسكم شويه ليهم بدل ما تضيعوا الوقت في الثرثره او اي حاجه بلا فايده وبلاش حجه اصل احنا تعبانين من شغل البيت ودوشه الاولاد كلنا عندنا مسؤليات واولادنا لازم يبقوا علي راس قائمه اهتمامنا لاننا هانتسال عنهم يوم القيامه لانهم امانه بين ايدينا

حبيبتي كل ما قربتي من اولادك كل ما ضمنتي انهم يطلعوا اسوياء نفسيا وكمان يكونوا اصحابك العمر كله واحنا في زمن مليان فساد كوني انتي الصديقه والقدوه وان شاء الله نقدر نربي جيل علي كتاب الله وسنه رسوله وعلي كل الاخلاق الحميده ويكون ده في ميزان حسناتنا يوم القيامه ان شاء الله

وماتنسوني من دعائكم ربنا يحفظ جوزي واولادي واهلي اجمعين من كل سوء يارب العالمين

ام نور ومهاب

http://www.dzbatna.com/vb/images/smilies/rose.gifhttp://www.dzbatna.com/vb/images/smi...8-dbttwedi.gifhttp://www.dzbatna.com/vb/images/smi...8-dbttwedi.gifhttp://www.dzbatna.com/vb/images/smilies/rose.gif

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة