عصير الفراولة , شرح طريقة تحضير طبق عصير الفراولة
الصيف هل علينا والحر هيبتدي عشان كده
جايبه لكم النهارده نوعين من العصير سهل وبسيط والاهم انه مفيد
يارب يعجبكم
وده شكله
المكونات
فراوله
موز
نص كوبايه مايه
نص كوبايه حليب
سكر حسب الرغبه
الطريقه
نضرب الفراوله مع المايه والسكر ونخلي سمكها يكون تقيل بالشكل ده
نفضيها في الكاسات بتاعتنا للنص بس
نبتدي نجهز الطبقه التانيه
هي الموز بالحليب
نحط الموز مع الحليب والسكر في الخلاط ونضربهم كويس
وه شكلهم
نبتدي ناخد منه بمعلقه الاكل ونحط منه في حروف الكاسات من جوه براحه خالص عشان يطلع طبقات معاكي كده
وممكن تزينيه بقطع فراوله او موز زي ما تحبي
زوووم شايفين الطبقات باينه ازاي ( وطبعا ممكن تعملي اكتر من نوع عصير وهيكون بنفس الخطوات يعني تدخلي مانجه جوافه اي عصير تحبيه )
وهنا وقت التقديم
شفته سهل وبسيط ازاي
اتمني يكون عجبكم
العصير التاني معايا
عصير البرتقال بالليمون العصير ده بيكون لذيذ وخصوصا بقه لو متلج ومفيد طبعا بفيتامين سي
ده شكله
المكونات
2 برتقال
ليمونه
سكر حسب الرغبه
تلج
مايه
نقشر المكونات كلها ونحطها في الخلاط
ونضربها كويس
نصفيها بالمصفه العصير بتاعتي
وده شكله النهائي
بجد يابنات حلو جدا اتمني تجربوه
ويارب موضوعي البسيط ده يكون عجبكم
ومستنيه بقه ردودكم الحلوه والتقييم لو شايفه الموضوع يستاهل
uwdv hgtvh,gm < 'vdrm ulg
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
