السلام عليكن اخواتي حبيباتي
حبيت نقدملكم طريقة سهلة لتقديم البطاطا والدجاج بما انو شهر رمضان الفضيل على الابواب وراهي تنفع كطبق ثاني بعد الشوربة او الحريرة وديما كيما عودتكم من ابتكاري لاني نحب نخلط ونجلط ههههههههههههه
في الحقيقة عملت طريقتين دمجتهم في موضوع واحد اولا لانو فيهم نفس التتبيلة وثانيا حتى نعطي فرصة الاختيار للاخوات في التطبيق حسب المتوفر عندهم وحسب ميزانيتهم
نتمنى يعجبكم لانو فعلا لذيذ وراح تشوفو بلي الذوق يجيكم جديد ومختلف
المقادير
دجاج حسب عدد افراد الاسرة
http://sphotos-h.ak.fbcdn.net/hphoto...00445841_n.jpg
بطاطا حسب الحاجة منقيه ومقطعة على 2 ثم على 4 ثم على 8 كيما في الصورة وادا كان الحبات صغار قطعيهم على 4 فقط وانا اضفت خطوة نتمنى تضيفوها وقت التطبيق هي اني لما قطعت البطاطا قليتها في الزيت حتى خذات اللون الذهبي وتحمرت شوية صفيتها من الزيت من بعد ضفتلها البسباس والزيتون والتتبيلة وجات خير 100مرة من اللي موالفها نحطلها التتبيلة والمكونات مباشرة وهي نية جربوها بهاذ الطريقة تجي احلى بكثير
حبات من الزيتون الاخضر ضروري
حبة بسباس ضرورية لانها تعمل فرق في المذاق مقطعة على 2ثم على 4 ثم على 8 بالطول حتى يكون حجمها مثل البطاطا
التتبيلة
هي التتبيلة اللي حطيتهالكم من قبل بصراحة انا متعودة نعملها للشاورما لكن قلت خلي نجربها في اكياس الشواء وجات روعة
في ميكسور حطي حبة من التعليم المتوسطة بصلة مقطعة+4سنات ثوم+ملعقة كبيرة هريسة+ملح +ملعقة صغيرة فلفل اسود+ملعقة صغيرة كمون+2ملاعق خل+شوية بابريكا وشوية كسبر مرحي+ 2ملاعق كبار زيت خلطي الكل شوية فقط
http://sphotos-e.ak.fbcdn.net/hphoto...57122774_n.jpg
http://sphotos-g.ak.fbcdn.net/hphoto...82876636_n.jpg
في صحن حطي قطع الدجاج ومعاها نصف التتبيلة وزيدي الملح حسب الحاجة خلطي الكل بيدك حتى يتغلف الدجاج مليح بالتتبيلة
http://sphotos-a.ak.fbcdn.net/hphoto...07396112_n.jpg
في صحن آخر حطي البطاطا والزيتون وحبة البسباس وغلفيهم بباقي التتبيلة
http://sphotos-f.ak.fbcdn.net/hphoto...24866620_n.jpg
خلي الكل يرتاح من الاحسن ليلة كاملة او اقل شيء ساعة
وجدي اكياس الشواء
http://sphotos-c.ak.fbcdn.net/hphoto...27057273_n.jpg
غلفيها من الداخل بملعقة صغيرة فرينة وصبي خليط الدجاج في الكيس واغلقي بالسلك الموجود مع الاكياس اعملي ثقبين في الكيس بواسطه الابرة
http://sphotos-d.ak.fbcdn.net/hphoto...80411866_n.jpg
اعملي نفس الطريقة مع البطاطا في كيس ثاني
http://sphotos-a.ak.fbcdn.net/hphoto...32440033_n.jpg
سخني الفرن مليح ثم نزلي حرارتو ل220 لا اكثر وطفيه من فوق جيهة الشواية يعني راح نطيبو من تحت فقط واللي داخل الكيس يتحمر وحدو ودخلي الاكياس اللي تحطيها في مول حديد ولا رخام حسب الموجود وخليها من ساعة وربع لساعة ونصف
وقت التقديم حطي البطاطا في الصحن وحطي فوقها قطع دجاج وصبي العصير الموجود في كيس الدجاج فوق البطاطا وراح يعطيك مذاق امم ولا في الاحلام وهادي خطوة مهمة جدا والبطاطا يجي دوقها روعة
http://sphotos-g.ak.fbcdn.net/hphoto...98918695_n.jpg
http://sphotos-d.ak.fbcdn.net/hphoto...36711086_n.jpg
http://sphotos-d.ak.fbcdn.net/hphoto...36711086_n.jpg
وهدا العصير اللي نزل من الدجاج لذيذ جدا جدا
http://sphotos-e.ak.fbcdn.net/hphoto...41161627_n.jpg
اما القسم الثاني من الدرس فهو اجنحة دجاج او شطيطحة كيما نقولو احنا سعرها في متناول الجميع ولذيذة جدا كاين اللي ماياكلهاش ولا ماجربهاش انا شخصيا نموت عليها جربوها بطريقتي وراح تعودو تموتو فيها
المهم تنضفي مليح الاجنحة هي والرقبة وتنحي الاجزاء اللي مانحتاجوهاش وتعمليلهم نفس التتبيلة اللي عملناها في الاول وتخليهم يتشربو مليح مثلا اعمليها بعد الضهر وخليها وقبل العشاء ابداي اقلي مباشرة
http://sphotos-e.ak.fbcdn.net/hphoto...82352989_n.jpg
ونحتاجو فرينة مخلطة مع 2 ملاعق كبار دقيق ولا سميد +زيت غزير للقلي +ورق ماص
http://sphotos-c.ak.fbcdn.net/hphoto...64059090_n.jpg
كي تتشرب مليح مرغديها مليح في الفرينة والسميد حتى تتغلف مليح مليح
http://sphotos-h.ak.fbcdn.net/hphoto...26251308_n.jpg
http://sphotos-g.ak.fbcdn.net/hphoto...46038352_n.jpg
http://sphotos-a.ak.fbcdn.net/hphoto...96129822_n.jpg
ثم اقليها على نار من التعليم المتوسطة ماشي قاوية حتى تطيب من الداخل حمريها من الجيهتين
http://sphotos-f.ak.fbcdn.net/hphoto...91175058_n.jpg
وحطيها فوق الورق الماص وقدميها مع مايوناز وكاتشاب للتغميس او مع بطاطا مقلية او مع بطاطا مرحية-لا بيري- كيما عملت انا
http://sphotos-d.ak.fbcdn.net/hphoto...03028602_n.jpg
نتمنى تنال اعجابكم وماتنساونيش بدعواتكم ليا بالذرية الصالحة في هاد الايام المباركة
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
