بريوش رولي بالقرفة بكل التفاصيل حصريا من مطبخ جزائري مقدسية
brioche roulee a la cannelle من المخبوزات الغربية الشهيرة جدا،ذات مذاق رااائع ،مناسبة تماما لفطور الصباح اوللاطفال في المدارس اودور الحضانة كلمجة،او حتى كتحلية
العجينة:
650غ فرينة(2علب لابال تاع رطل)
ملعقة كبيرة معمرة خميرة خبز
2م ك حليب غبرة (لحظة)
2م ك سكر عادي
م ص فاني +م ص ملح+م ص خميرة كيميائية
بيضة كاملة
40غ زبدة طرية
2م ك زيت
كاس ماء دافي
الحشو:
كاس او اقل سكر عادي
100غ زبدة طرية
م ص معمرة كاكاو مر
نصف م ص قرفة (اختياري)
الصلصة:
فوندون(سكر ناعم+قليل من الحليب)
شكولاطة ذايبة
مكسرات (الموجود)
نخلط المكونات الجافة مع بعض
في وعاء نضع كاس ماء دافئ+2م زيت +40غ زبدة+البيضة ونخلط بالشوكة
نحدث حفرة في المكونات الجافة ونسكب المزيج السائل ونلم العجينة واذا كانت يابسة نطري بماء دافي ونعجن حتى نتحصل على عجينة لاهي يابسة ولاهي طرية،نتركها تتخمر حوالي 45د
بعد مايتضاعف حجم العجينة نحلوها بالرولوعلى طاولة عمل مرشوشة بالفرينة،وندمدوها بحيث يكون شكلها مستطيل
ندهن سطح العجينة بالزبدة ولازم تكون طرية ونرشها بالسكر مخلوط بالكاكاو والقرفة ونبدا نلف للحصول على حربوش كما هو موضح بالصور
نلصق جيدا الاطراف باش ماتتفتحش اثناء الخبز،ونقلب الحربوش بحيث يكون مكان اللصق الى الاسفل ونبدا التقطيع
نستفو اللفائف في بلا ونضغطو عليهم ضغطة خفيفة,ونتركوهم يخمرو حوالي 45د حتى يتضاعف الحجم ثم الى فرن مسخن مليح
نجهزو الفوندون بكمية من السكر الناعم+قليل من الحليب،وكذلك الشوكولا الذايبة ونزينو كما في الصور
نرشو بالمكسرات ،استعملت الكاوكاو
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
