القاطو الشامية و الشابو

http://www.dzbatna.com/images/smilies/dj_17.gif
انا من مدة حطيت موضوع لقاطو الشامية و الشابو وبزاف طلبوا مني الطريقة وانا اسفة على التاخير
انا اخذت وصفة (جزائرية) الشامية من اخت بالمنتدى و بحثت شوي في النت
الشامية او الافندي
عجينة الفيلو
4 عبرات فرينة-نصف عبرة دهان-عبرة ماء الزهركامل ونرونوها بالماء حتى نتحصلو على عجينة طرية كيما نتاع البقلاوة ( ماشي طرية بزااااااف )
الحشو
3 عبرات لوز + عبرة ناقصة شوية سكر +زست نتاع الليمون و2 ملاعق سمن
طريقة التوريق
تحلي لعجينة في الرقم اللي قبل الرقم الاخير على حساب المشينة نتاعك ( نتاع لعجين ) يعني ماتكونش رقيقة بزاف كيما نتاع البقلاوة وديري 12 طبقة فوق بعضاهم وبين كل طبقة والاخرى تذرذري المايزينة طبقة كثيفة ( كثري باش ماتلصقش الطبقات مع بعضهم )وحلي بالرولو يعني تحلي الطبقات وهوما فوق بعضهم كي ترقاق ابداي انزعي فالطبقة الاولى انفضيها وحطيها جانبا ثم الطبقة الثانية ونفضيها من المايزينة وحطيها فوق الاولى وهكذا حتى تكملي كامل الطبقات وتقطعيهم بواسطة طابع مربع الشكل او كرطونة مقاس 7/7 سم وديري في كل مربع كرية من الحشو ووتقرصي على الجوانب ثم تغطسيهم من الفوق فالدهان الذائب وتستفيهم في صينية الفرن بعد مايطيبو (ماتخليهمش يحمارو بزاف)عسليهم مليح وذرذري فوقهم فالوسط البيستاش
http://fleurdoranger.over-blog.fr/ar...-37569519.html

http://img.over-blog.com/600x337/3/7...ne-copie-1.jpg

انا اخذت وصف الشابو من هذا الرابط
http://fleurdoranger.over-blog.fr/ar...-37570772.html



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©