.~ بـٌـكَايْ .. [ تَرتيْلة مَطَـرْ ] ~.’,
لحظه وطن..! مادامك اليوم مهجور
...... بآمنّي المنفى ....\ وِ أنفي الأماني...!
طاحت من اكتاف التعب [اربع شهور]
...... وصاحت من اتعاب الكتوف .. \ الثواني..!
وصار الحزن [شباك].. والصمت ديكور
...... وبْكاي .. [ ترتيلة مطر] .. للمواني..!
والدمع شمع .. ومعظم احيان [ بلّور ]
....... يتمرجح اهدابي.... \ ليا من بكاني..!
كلْ ماأغني يختنق [ صوت عصفور]
...... وكلْ ماسكتّ .. تْموت فيني [أغاني] ..!
وكلْ مامكاني يجْفِيَ [ اصابع النور ]
...... أشعل اصابيعي .. وِ أجفى مكاني..!
ومن كثْر مانا [طاغية].. حسّ وشعور
...... مابي هلي يدرون ... اني أعاااني..!
أطلع ابَرْوز [ضيقتي] فآخر السور
..... إيلين تبكيني ...\ السكك والمباني..!
وارجع و ِألقى ياوطن.. ضيق منثور
..... إسمع... \ ولا تنثر دموعك ..عشاني..!
طفْلَتْك ماتملك سوى..[ حلْم محصور 2014]....
و[ شويّة العاب 2014 ] ... \ وحكايا مواني ..!
تحْضِر غياب وتلْتحف..:غيبة حضور
..... ينسونها ...\ وتقول: محد ٍنساني..!
تحْلَم.. وتخنق حلمها .. [ وحْشة الدُور ]
...... والمدْرسه....وهواش [ أبله تهاني ] ..!
وعلى كثر مشركة ابلّل اطرافها ... [ النور].....
تفرد أصابعها .. \وِ [تطفى ] معاني ..!
وعلى كثر ماتترك الصبح [ ممطور]
.....تذبل... لأن الصبح دايـم .. [ أناني ] ..!
مامات من [ برد الصباحات ] .. عصفور
..... بس هيّ [ماتت] .. من كثِر ماتعاني ..!
ㄨ لِ خطوآتكم أنثر ورودَ محبتي http://www.ro7roo7i.com/vb/images/smilies/6.gifhttp://www.ro7roo7i.com/vb/images/smilies/l342.gif
http://www.ro7ro.com/up//uploads/ima...350561b76b.jpg
|
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©