تعالى نورى وشك والقطنه مبتكدبش

[ام بهاء]

تعالى نورى وشك والقطنه مبتكدبش



ازيكو يا بنات
عاملين ايه
وحشتونى
انا جيبالكم وصفه تحفه والله انا مجرباها وجابت معايا نتيجه ممتازه
والوصفه سهله جدا
المكونات
1- لبن دافى
2- قطنه
اه والله تخيلو هى دى المكونات
وحياه الاخوه هى دى المكونات
احلف تانى ولا خلاص كده صدقتونى

بصى يا ستى
انتى هتقومى الصبح بدرى الساعه 7 اخر النهار كده
باضحكباضحكباضحك
اول ما تقومى من النوم يا ستى بتعملى ايه ؟
طبعا هتقوليلى بغسل وشى
هقولك ابتدينا نكدب
هتقوليلى بهرش هقولك ابتدينا نستظرف
لانك يا هانم اول ما بتصحى من النوم بتفتحى عنيكى ههههههههههه
وبعدين
لا بجد كفايه هزار
هتقومى تغسلى وشك بميه فاتره يعنى ايه فاتره ؟
سؤال يطرح نفسه ؟
يعنى تفتحى سرسوب صغير حنفيه الميه السخنه مع حنفيه الميه الساقعه ليه بقى عشان مسام وشك تتفتح والوصفه تطبق ع الشاسيه بتاع وشك كويس سعيدة قوي
وقومى يا ستى
هاتى شويه اللبن بالقشطه اللى انتى دفتيهم دول باضحكاهم

بالصور تعالى نورى وشك والقطنه مبتكدبش سنوات الضياع 2


وهاتى قطنه من عندك
اهه القطنه كمان

بالصور تعالى نورى وشك والقطنه مبتكدبش سنوات الضياع 2


وبعدين اقفى قدام الحوض بتاعك عشان هتوقعى على نفسك دلوقتى ايوه زى ما بقولك كده اسمعى الكلام بس
انا مجربه ههههههههه
وامسكى القطنه وبليها باللبن وادعكى وشك بحركات دائريه من تحت لفوق عشان وشك ما يتهدلش وكرريها ولو احتاجتى حته قطنه زياده للاعاده روحى هاتى من الدرج وبطلى بخل بره
وبعد ما تخلصى خالص بصى فى القطنه وشوفى ايه اللى هيطلع من وشك ياه!
وخلى بالك
مدام نظيفه بتقولك
القطنه مبتكدبش ههههههههههه
الموضوع ده ممكن تعمليه فى الاسبوع من مره لحد 3 مرات ميجراش حاجه وبعدها اشطفى وشك بميه دافيه وبعدين ميه ساقعه وبعدين حطى ميه ورد او كريم البشره بتاعك وخلاص كده
الوصفه دى
1- بتدى نضاره جامده للبشره
2- وبتنضف مسامات البشره جدااااااااا
3- وبتفتح البشره
4- وبتشيل شويه من الجلد الميت المتراكم ع البشره لانك بتعملى زى فرك للجلد بالقطنه
ما شاء الله الوصفه دى جميله جدااااااااا
ولو داومتى عليها هتتبسطى جدا من بشرتك ونضارتها

وفى النهايه يارب الوصفه تعجبكم http://files.fatakat.com/signaturepics/sigpic634737_7.gif (http://www.dzbatna.com/)
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©