انا بالبدايه ما اهتميت لكن انصدمت يوم شفت نتايجه ع جدتي .. الكل يدخل مهمممم

[ام بهاء]

انا بالبدايه ما اهتميت لكن انصدمت يوم شفت نتايجه ع جدتي .. الكل يدخل مهمممم



السلام عليكم يا حلوات :$

اليوم جايبتلكم موضوع من زمان اسمع عنه لكن ما اهتميت الا يوم قريته بمنتدى ثاني و شفته بالتلفزيون قبل فتره ..

امي بتسوي هالطريقه و جدتي اللي مشالله تتمتع بصحه عاليه جدا رغم كبر عمرها طلعت من سنين تسويه ..

ماني مطوله عليكم الموضوع هو :

الحلبه المستنبته !!

طبعا كلنا نعرف فوائد الحلبه الجماليه و الصحيه لكن اللي ما نعرفه هو ان الحلبه المستنبته فوائدها بتكون أضعاف الأضعاف ..

و على فكره تتسوى بالبيت و طريقتها جدا سهله ..

للأمانه يا بنات الطريقه اللي شفتها بالتلفزيون صعبه شوي بس الطريقه الثانيه سهله و حيل مفيده و هي كالتالي :

نحتاج :

( كأس زجاجي _ كمية حبوب الحلبة كافيه لربع هالكأس _ مشخال بلاستك _ طشت خضراوات صغير و بلاستك _ صحن )

1- أول شي نغسل الحلبه جيدا .. بعدين نحطها بالكأس و نملاه ماي
2-نغطي الكاس بقصدير و نخلي الحلبه تنقع يوم كامل
3-ثاني بتكون الحلبه تضاعفت .. ناخذها و نحطها بالمشخال و بعد ما نصفيها من الماي نحط المشخال بالطشت
4-بعد هالخطوه نغمر الحلبه بالماي و نصفيها منه مرتين الى ثلاث مرات باليوم حسب الجو
5-بعدين نخليها بالمشخال ع الطشت و نغطيها بصحن

باليوم الثالث ( أي بعد اليوم الكامل من التنقيع و اليوم الثاني بالمشخال ) راح تكون الجذور بدت تطلع صغيره و ع اليوم السادس بتكون طلعت خضرا فناخذها و نغسلها عدل و نصفيها من الماي و نحفظها بكيس نايلون و نستخدمها فوق البيض المقلي و السلطه و مع الحليب ..

صدقوني هالطريقه راح تمنحكم صحة و نشاط خيالي غير طبعا الفوائد السحريه للشعر و البشره بتشوفون بعيونكم بيااااض و شعر كثيف ما صااار ..

ملاحظه :
ريحة الحلبه المستنبته اخف بكثير من العاديه و ما تسمن !

........... ما أوصيكم أبي ردود و أبي تدعولي فديتكم .........:$زمان اسمع عنه لكن ما اهتميت الا يوم قريته بمنتدى
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©