جبتلكو طريقه عمل الحنه البيضاااااء فى البيت

[ام بهاء]

جبتلكو طريقه عمل الحنه البيضاااااء فى البيت



السلام عليكم

اخيرا وبعد طول انتظار لقيت طريقه عمل الحنه البيضاء فى البيت اخدت المكونات ونزلت

جررررررررى على العطار وطبعا جربتها وبعد النتيجه الهايله قلت لاااااااااا لازم اقول للفتوكات

القمرات

والمكونات عباره عن ودى الاسعار اللى جبت بيها من عند العطار

2 جنيه لسان البحر المطحون انا كنت نازله وقلت هقول للراجل كده ازاى وكنت مكسوفه ليقول عليه هبله ولا مفيش حاجه اسمها كده لما قلتله قالى اه موجود

بجنبه واحد شبه

2 جنيه ترمس مطحون

ربع كيلو فاصوليا بيضا ودى هنجبها ونطحنها عادى فى الخلاط لانها بتتباع صحيحه طبعا


الطريقه بقى

نجيب طبق نضيف ونحط فيه كل المكونات ما عدا الشبه معلقه صغيره مش عايزن منها كتير

ونخلطهم كويس مع بعض وناخدو معانا الحمام ومعاها مايه ورد

نلف شعرنا ببونيه وندخل تحت الدش ونشغل المايه السخنه ونجيب اليفه المغربيه او المصريه العاديه وندعك كل حته فى الجسم علشان ننزل الطبقه الدهنيه اللى عليه وناخد كميه من الخليط على اد ما هنحتاج انا استخدمتها كلها ونحط عليها مايه ورد ونفردها على الجسم ونستنى لما تنشف نشطف الجسم كويس وفى الاخر نغسل الشعر وخلى بالكم نخلى الشعر فى الاخر
واطلعو بقى وادعولى وقبل لما تطلعى مش هتصدقى انه جسمك اساسا بياض ونعومه هتقولى لااااااااا دى مش انا

يا سلام بقى لو تحطى الخليط ده على جسمك بعد لما تطلعى هيعمل لجسمك كله ريحه تجنن

علبه كريم جليسوليد صغيره مع زجاجه مسك صغيره مع ربع كوبايه ماء ورد حطيهم على بعض وعلى جسمك عدل وشوفى بقى يا سلاااااااااااااام



بحبكم كلكم اووووووووووووووى
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©