طقوس شتويه من تجاربي حياكم :$

[ام بهاء]

طقوس شتويه من تجاربي حياكم :$



بسم الله الرحمن الرحيم


السلام عليكم والرحمه

يسعد صباحكم / مسآؤكم بكل خير

طبعا هذا ثااني موضوع لي وكان ودي من زمان انزل مواضيع بس العجاازة الله يكفينا شرها وخصوصا بالشتاء يااكثررر ماانام واكسل < انتم مثلي
ولافيه خلفيات ودانديش < مااعرف اعذروني
طبعا حبيت اعطيكم تجاربي ونصائح مفيده معروف بفصل الشتاء الجفاف والتشققات باليدين والوجه والشفايف

اولا

لاتكثرين من غسل اليد بالصابون الجاف يفضل السائل ويفضل تكون الصابون الطبيه مثل ديتول
احسن من لوكس وغيرها لانها تسبب جفاف


ثانيا
لاتستخدمين المويه الحارره خليها دافيه شوي تصفحت مجلة ويقولك ان المويه الحاره تسبب الشتققات والبثور واحيانا الاحمرار خصوصا للي بشرتها خلقه جافه

ثالثا

يفضل التقليل من المستحضرات التجميليه اذا كان عندك بثور استعملي شيء بديل لها ( زيت الزيتون + شوفان + مويه دافيه ودلكي فيها لمده ربع ساعه او اقل ) لان المسام في الشتاء ماتتنفس كثير

رابعا
ينصح الاطباء بشرب الماء لمنع الجفاف وازاله السموم من الجسم
انا وقت الشتاء قليل اشرب مويه واحس بشرتي تتغيرر وصرت اجبر عمري اني اشرب واحيانا يمر يوم كامل ماشرب الا كاسين

خامسا
الترطيب بالكريمات واللوشن اهم شيء ماستغني عن الفازلين بزبده الكاكاو لوشن جرجنز بالصبار
وكريم دوف بعد الاستحمام رهيب
خلطه بسيطه استعملها قبل ماانام
فقس طبعا الكل يعرفه + مويه ورد ا+لجليسوليد لليدين
اما الوجه ( عسل + برتقال مبشور) تخلينها على وجهك ربع ساعه وبعدها تمسحين بمويه ورد
مره روعه

سادسا

الشفايف
ياكثر ماتتشق بالشتاء وتصب دمان وحاله
بسسب التغذيه او انك تاكلين على طول وتنامين
ادهني عليها عسل او فقس مره رهيب لاتقولون فازلين ترى مره يسودها

بالنسبه لمشروبات التدفئه
موكا بالقرفه الزنجبيل او حليب بالزنجبيل مفيده للبشره
يوميا اشربهم

اما المااكولات العصيد ، ألحنيني ، ألفريك ، والقشد تسمونها تسذا انتم


واخيرا ان شاءالله مو اخر موضوع لي وبزعجكم بالقسم ذا دامكم تنفعوني وانفعكم وماقصرتم معي

اي سؤال بالاسك مي تبعي < ترى من زمان حاطته ولاحد سالني < ليش كذا واللي عندها معلومه حاب تزيدها تتفضل لاني اكتب اللي في بالي يعني الموضوع جاء خبط لزق

ان اصبت فمن الله وان اخطات فمني ومن الشيطان

دعواتكم لي براحه البال والتوفيق

انطلقوا


ملاحظه (( صح موضيعي مافي فيسات ولا شي بس مشوها))
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©