صنفره طبيعيه للوجه والجسم ولاأروع..

[ام بهاء]

صنفره طبيعيه للوجه والجسم ولاأروع..



السلام عليكم راح اعطيكم طريقة صنفره تسويها في البيت تنعم بشرتك وتنظفها ان شاء الله
المكونات
ملعقتين مره تجيبيها من عند العطار وتطحنيها لمن تسير زي حبيبات الرمل
ملعقتين فازلين
ملعقتين زيت لوز مر
تمزجي المكونات واذا حسيتي انها محتاجه ليونه زودي زيت
حطيها على وجهك وادعكي وجهك بس بشويش انتبهوا عشان ماتجرحوا بشرتكم لان المره قاسيه مو زي كريمات الصنفره تجي الحبيبات اللي فيها ناعمه زي كأنك تسوي مساج لوجهك ورقبتك وبعدين خليه على وجهك ساعه او نص ساعه عشان وجهك يستفيد من المره والزيت ويترطب في نفس الوقت بعدين غسليه بالصابون ومرري ثلجه على وجهك عشان تقفلي المسامات وعلى طول حتلاحظي ملمس بشرتك صار انعم وحتدعيلي انا جربتها على وجهي وممكن تسويها لجسمك خاصه للاماكن الجافه زي الركب والاكواع وممكن للجسم كامل نفسي اسويها لجسمي بس كسلاااانه جربوها وشجعوني واللي تستفيد تتذكرني بدعوه حلوه http://www.dzbatna.com/vb/images/smilies/get-2-2008-yds6b3uo.gif
ترى الخلطه من اختراعي مو منقوووووله خاصه بس بمنتدى سيدتي
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©