تثبيت الوزن بعد الرجيم

[ام بهاء]

تثبيت الوزن بعد الرجيم




السلام عليكم ورحمه الله وبركاته

طبعا حبيباتي كلنا عندنا مشكله اننا اول مانترك الريجيم نرجع نتخن صح
مين مننا فكرت تثبت وزنها بعد ريجيم صعب وطويل .. كلنا نرجع للاكل بكل ما اوتينا من قوه وبكل شراهه عشان نعوض ايام الحرمان من الاكل بالذات اللي يعملو ريجيمات قاسيه
زي ريجيم التمر واللبن وريجيم التفاح الاخضر وريجيم البطاطا واي ريجيم بيعتمد على نوع واحد ..
بحثت كتيييير عن سبب رجوع الوزن اللي نزلناه واحيانا نرجع الدبل
ياما سويت ريجيمات ورجع الدبل كثيييييير انا الان عمري 22 ومده اكثر من نص عمري كنت عايشه على الريجيم بس اول ما اتركوو انسا شي اسمو انتظام في الاكل أرجع لكل العادات الغذائيه السيئه اللي كنت عليها قبل ريجيمي واغلبكم زي حبيباتي لازم مانرجع ابدا لهالعادات
ماكنت اعرف انو في شي اسمو تثبيت الوزن بس بعد بحث عرفت انو لاااازم اذا وصلنا للوزن اللي نبغاه لازم نثبتو علشان مايرجع وزننا السابق او لاقدر الله نرجع الدبل

الثبيت هوا اننا ناكل على قد حاجتنا كيف على قد حاجتنا ؟؟ .. يعني على حسب حركتنا ومجهودنا اذا نتحرك كثير اكلنا راح يكون اكثر من اللي طول اليوم مرتاحه وماتتحرك اللي تسوي رياضه اكلها ازود من اللي ماتسوي وهكذا .. غير هيك واللي هوا الاهم المفروض نحنا نكون اتعودنا على نظام الاكل الصح من الريجيم اللي كنا متبعينه خصوصا اللي كانو ماشين على الريجيم الصح والصحي ويكون هوا اسلوب حياتنا ونمشي عليه

علشان نثبت وزننا ممكن ناكل كل شي ولكن بكميات معقوله يعني مانهجم على الاكل هجووم http://www.dzbatna.com/vb/images/smilies/get-2-2008-ehrx1i9o.gif لا ناكل يمقادير معينه ومعقوله .. او اننا مثلا لو فليناها يوم او رحنا مناسبه واكلنا بكيفنا اليوم اللي بعدو نعمل حسابنا وناكل اكل ريجيمنا اللي كنا متبعينه مثلا او نخفف الاكل مره واذا فليناها مثلا يومين ورا بعض كمان نعمل حسابنا اليومين اللي بعدهم وناكل وجباتنا كلها وجبات ريجيم خفيفه
واهم شي كمان نوزن حالنا على الاقل مره في الاسبوع انا كان غلطي اني بعد ما اوصل للي أبغاه انسا شي اسمو ميزااااان ما اقرب عليه ابدا اتناساه خااالص http://www.dzbatna.com/vb/images/smilies/get-2-2008-n0gfapyo.gif
وبكدا ماراح اعمل كنترول الا بعد فوات الاوان طيب ليه اخلي الاوان يفوت دايما اوزن نفسي علشان اذا لقيت في اي زياده اعمل حسابي مش ضروري نحرم حالنا لالالا ابدا مثلا اذا اتعودت اكل كل يوم حلا او شوكولا او شيبس اخفف الكميه اذا متعوده اكل 3 وجبات دسمه اكل وجبه واحده دسمه ووجبتين خفيفه اهم اهم شي ان العشاء يكون مره خفيف دايم نعود حالنا على كدا
طبعا طبيعه اجسامنا تختلف اللي تحب تاكل لين ماتشبع تكثر من الاكل اللي يملأ المعده زي الفواكه والخضار والرده مثلا .. وطبعا على حسب مجهودنا نتحرك كثير او مانتحرك كثير كلو على حسب نشاطنا حبيباتي
فـ كل اللي علينا اننا ننظم حياتنا ومانرجع لاسلوب الحياه السيء اللي راح يخلينا نرجع نتخن ويروووح كل تعبنا على الفاضي وانا شخصيا راح امشي على هالكلام بعد ما اوصل لوزني المثالي ان شاء الله راح اعمل تثبيت لوزني وهوا اني امشي على هالحكي ماراح اهمل حالي مره ثانيه واتمنى انكم كلكم كمان تهتمو بحالكم وابدا مانرجع لاوزاننا اللي فقدناها
بحثت كثير في النت واستفدت فـ حبيت افيدكم يا احلا اخوات تحياتي لكم جميعا ودعواتكم ليا ربي يسهل اموري ويـنـولني مرادي ويجمعني مع خطيبي على خير ياااارب http://www.dzbatna.com/vb/images/smilies/get-2-2008-dbttwedi.gif

موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©