2 في 1....نوعين حلو بعجينة واحدة :)...تعالوا وشوفوا

[salima]

مقادير الشو باستري:
كوب ماء...
100 جم زبدة
معلقة سكر
ربع معلقة ملح
150 جم دقيق....يعني حوالي مج الا شوية
خمس بيضات


مقادير الكريم باتسيير للحشو:
2 صفار بيض
خمس معالق سكر كبار ممسوحة..
معلقة دقيق كبيرة مليانة
معلقة نشا كبيرة مليانة
كباية وربع حليب
كمية الكريمة دي هتكفي كمية الاكلير الي هنعملها ان شاء الله

هحتاج كمان شربات...شيرة او قطر ..عشان بلح الشام

وهحتاج شوكلاته لتزيين الاكلير:
مقاديرها...شوكلاته خام حلوة
هسيحها في حمام مائي واخففها بشوية حليب
واخليها مش سايلة اوي لان المفروض رسمية اما احطها على الاكلير تمسك مش تسيل من عليه

الطريقة بقى:

طريقة العجينة:
اول حاجه بنجيب حلة ونحط فيها المية والزبدة والسكر والملح
ونحطها على النار


http://69.59.144.138/icon.aspx?m=blank





ونسيبها تسيح لحد ماالزبدة تسيح خالص وتبدأ المية تغلي


http://forums.3roos.com/uploaded1/259903_01255329610.jpg





أكون انا محضرة الدقيق منخول جاهز لاني هضيفه مرة واحدة على المزيج الي بيغلي...فلازم ادلقه مرة واحده مش اقعد انخله عشان مايكلكعش


http://forums.3roos.com/uploaded1/259903_11255329610.jpg





اول ماحطه اقوم مقلبه بسرعه وطافيه النار واقعد اقلب فيه كتير لحد مايمتزج بالزبدة تماما ويبقى كورة كدا


http://forums.3roos.com/uploaded1/259903_31255329610.jpg





هلاقي هنا ان العجين مش لازق خالص ف الحلة بتاعتي ولما بقلب بيتقلب معايا كويس وبيتحرك مع حركة المعلقة الخشب
كدا يبقى تمام
اقعد اقلب فيه شوية عشان يبرد واطلع البخار السخن منه
لو عندك عجان ممكن تحطيه ف العجان ف المرحلة دي وتكملي المراحل الجايه ف العجان
انا بصراحة استكلفت اقلب واعمل...كملت بايدي وخلاص http://forums.3roos.com/images/smilies/biggrin.gif

هنضيف البيض بيضة بيضة
وكل مانضيف واحدة نقلب كويس لحد مانتأكد انها امتزجت تماما قبل مانضيف الي بعدها...ماشي؟


http://forums.3roos.com/uploaded1/259903_81255329610.jpg







http://forums.3roos.com/uploaded1/259903_91255329610.jpg





هنضيف البيض ونلاحظ ان مع كل بيضة قوام العجين بيطرى شوية
المفروض رسمية لما اجي استخدم العجينه يبقى القوام لزج كدا عامل زي قوام معجون الاسنان...بمعنى اني لما اضغط على كيس الحلواني يكون بيطلع بسهولة كدا زي معجون الاسنان بيطلع ورا بعضه كدا مش بيقطع...فاهميني؟؟؟
او لما ارفعه بالمعلقة الخشب الاقي بيتدلى منها كدا
كدا تبقى العجينة مظبوطة



http://forums.3roos.com/uploaded1/259903_01255330668.jpg





ناخد بالها انها بتلمع


http://forums.3roos.com/uploaded1/259903_11255330668.jpg







http://forums.3roos.com/uploaded1/259903_21255330668.jpg




اقلب شوية واسيبها تطرى واروح انا اعمل الكريمة الي هحشي بيها

ونروح نشوف طريقة الحشو بقى:
اول حاجه نحط الحليب يغلي على النار


http://forums.3roos.com/uploaded1/259903_71255329610.jpg




انا هنا حطيته ف حاجه واسعه عشان اما اعمل فيها الحشوة اعرف اقلب كويس وكدا

في مضرب البيض...نحط صفار بيضتين ومعاهم السكر ونضرب كويس اوي لحد مايبيض


http://forums.3roos.com/uploaded1/259903_41255329610.jpg





وبعدين نضيف لها الدقيق والنشا ونضربها كويس


http://forums.3roos.com/uploaded1/259903_51255329610.jpg





وهنا هيكون الحليب غلي
ناخد نص كمية الحليب نصبها على المزيج الي عملناه ونضربها معاه كويس
النص التاني يفضل على النار عشان هنرجع المزيج عليه

لما يمتزج كويس ارجع اصبه على النص التاني من الحليب الي على النار
واقلب عشان مايكلكعش لانه هيعمل زي الكاسترد او المهلبية
لما يمتزج والاقيه بيتقل كدا اقلبه كويس شوية واطفي عليه واسيبه يبرد


http://forums.3roos.com/uploaded1/259903_51255330668.jpg






هنشوف طريقة الكريمة بعدين خلينا نكمل العجينة
طبعا هنا هولع الفرن على حرارة عالية...220 مثلا واسيبه يسخن
واطلع الصواني الي هخبز فيها الاكلير
اجيب كيس الحلواني واوقفه ف كبايه او حاجه عشان اسهل على نفسي اني املاه
وابدا اشكل الصوابع بتاعت الاكلير بيه
انا ف الاول كنت بحاول اضغط على الكيس بايد واقطع بالايد التانية بسكينة
بس كانت صعبه عليا لاني مش بعرف استخدم ايدي الشمال كويس...فبقيت اعمل ازاي؟
اضغط على الكيس بايديا الاتنين عشان اكون الصابع...وبعدين اقوم ناتشه لفوق كدا مرة واحدة يقطع وخلاص
كدا اسهل واسرع



http://forums.3roos.com/uploaded1/259903_31255330668.jpg







http://forums.3roos.com/uploaded1/259903_41255330668.jpg




مانشيلش هم ان النوزل الي استخدمناها ف تشكيل العجين مشرشرة لان كدا او كدا لما هيتحط ف الفرن هيعلى اوي والشرشرة دي هتروح http://forums.3roos.com/images/smilies/smile.gif

لما نخلص بنحط الصواني ف الفرن على الحرارة العالية دي
ومانفتحش خالص عشان مايهبطش
لمدة 10 دقايق على 220 وبعدين ممكن نهدي النار ل200 لمدة كمان 10 دقايق
وبعدين نطفي ونسيب الاكلير ف الفرن عشان مايطراش...نسيبه عشان يجمد اكتر من حرارة الفرن

ده بعد ماطلع من الفرن


http://forums.3roos.com/uploaded1/259903_81255330668.jpg





نحط الكريمة في قمع التزييين...وانا هنا قدامي اختيارين
يااما اني اشق الاكلير زي الساندوتش..وهنا ممكن استخدم النوزل الي على شكل نجمة
وانا عملت كدا


http://forums.3roos.com/uploaded1/259903_91255330668.jpg




او اخرمه من تحت بحيث يبقى مش باين
واستخدم النوزل الرفيعة ادخلها واحشي بيها


http://forums.3roos.com/uploaded1/259903_31255331249.jpg





شايفين من جوه ازاي فاضي مفيهوش عجين؟


http://forums.3roos.com/uploaded1/259903_41255331249.jpg






بكون محضرة الشوكلاته...الي هستخدمها للوش


http://forums.3roos.com/uploaded1/259903_51255331249.jpg




ندهن بيها الاكلير


http://forums.3roos.com/uploaded1/259903_61255331249.jpg




وده طبق لأحلى بنات يارب يعجبكم http://forums.3roos.com/images/smilies/smile.gif



http://forums.3roos.com/uploaded1/259903_01255331249.jpg






او استخدمه لبلح الشام
بجيب طاسه واحط فيها زيت عميق...ولااااااااااااااااااااازم يكون الزيت بارد
اقطع فيها بلح الشام...


http://forums.3roos.com/uploaded1/259903_61255330668.jpg





وبعدين احط الطاسة على نار هادية...المفروض رسمية احافظ على ان الزيت يفضل بارد ومايسخنش اوي عشان تنشف معايا وتبقى هشة من جوه زي الجاهز
هنلاحظ انها اتنفخت وابتدت تتقلب لان الجزء الي بيستوي تحت بيبقى كثافته اقل من الي فوق فبتقوم مقلوبة


http://forums.3roos.com/uploaded1/259903_71255330668.jpg





هسيبها كدا تستوي براحتها ماحاولش اعلي الزيت عشان تحمر
هي هتحمر لوحدها http://forums.3roos.com/images/smilies/smile.gif
واقلبها على الجنبين ولما توصل للون الي عايزاه اطلعها ف الشربات الي بكون محضراه من قبل كدا عشان يكون بارد
وده بعض ماطلع...بالهنا والعافيه عليكم http://forums.3roos.com/images/smilies/smile.gif


http://forums.3roos.com/uploaded1/259903_11255331249.jpg


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©