وصفة (جزائرية) حلوى مجربةمن اختكم شخصيا للعيد

[loulou ange]

إقترب العيد و حنا الجزائريات نحبو التجديدي كل عام و أنا واحدة من النساء الجزائريات الاتي يعشقن صنع الحلويات جزائرية
هاد الوصفة (جزائرية) أخدتها من منتدى و جربتها لكن بمقاديري و جات روعة
gateau son cuisson
750كوكاو مقلي يعني محمص جيدا علا خاطر ماريحش يعاود يطيب تم يرحى من التعليم المتوسط
1 علبة بسكوي majorبالشوكولا نتمنا تكونو عرفتوه
1 ديول محمص في الفرن و مرحي
100 غ نوقة مفتتة
علبة حلوة الحلقوم مقطعة مربعات
علبة عسل مرجان حسب الخليط
رشة قرفة
و ملعقة قهوة فاني بودرة نحتاج لتزيين القاطو
علبة نيسلي طايبة يعني كراميل
750غ شكولاسوداء الخاصة بالطلاء
لوز إفيلي أو أنصاف القرقاع

ملاحظة
أنا إستعملت قاطو ساك major بحشو الشوكولا للإستغناء عن الزبدة
نجي للطريقة
بعدما نكونو رحينا الكوكاو و الديول المحمص و قاطو ماجور
تم نلم بالعسل نأكد علا العسل الموجود في الأسواق ما شي المصنوع في البيت
بعدها ناخد كمية من الخليط نشكل حربوش يبسط قليلا باليد تم بواسطة طابع مربع نطبع مربعات في الحربوش يكون سمكهم عالي 2سم تقريبا
بعدما نكمل كل الكمية ناخد الكراميل و نوضع كمية على سطح كل حبة نسوي جيدا حتا يقعد شكل المربع بعدها ناخد شوكة نضع فوقها الحبة و نفرغ عليها كمية من الشوكولا الدائبة حتا تتغطى كليا و نحط الحبات علا بلاستيك حتى يسهل نزعها و نزين بلوز إفيلي أو حبة قرقاع نترك تجف و بعدها نوضع في كيسات
الحلوى مجربتها عدة مرات و تطلع رائعة شكلا و دوقا نتمنا تجربوها لأنها مضمونة


أتمنى تردو علا الموضوع
أختكم عاشقة الحلويات جزائرية


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©