الى مترشحي الاحرار..... شعبة اداب وفلسفة

[walid]

http://t2.gstatic.com/images?q=tbn:ANd9GcTcZvG2exYTLyGAzC1_9c4cZruhgWwE3 XV_emwFF_gq0Aj_qd46BWzIiW3E


شخصيا اول باك واخر باك ليا كان من 13 سنة.... وهدا العام قررت اني نعاود الباك ونجيب الباك ....قولو امين -لينا وليكم كامل

على كل حال على بالي كاين بزاف لي رح يفوتو هاد العام احرار ...ويعني ( مترشح حر ) كاين حوايج مرتبطة بيه

- قلة المراجع
- قليل لي تلقى باه يفهمك ولا ينعتلك
- اللمراجعة شاملة يا انت وحدك ولا زهرك تلقى زوج معاك
- ويلي حالتو كيما انا مدة وهو بعيد على دراسة رح يكون لا علاقة بلمجال الدراسي والمقرر
والا راني غالط قولولي
المهم والمفيد

حنا جماعة الاحرار محتاجين شكون لي ينعتلنا منهجية صحيحة لللمراجعة شاملة
محتاجين مراجع
محتاجين طريقة صحيحة نمشو عليها
محتاجين كي نحصلو في حاجة نلقاو شكون يفهمنا

على عكس النظاميين راهم في كلاصة ومع زملاؤهم و مع شيوخة تاعهم كاين كيفاه وهدا شي مليح ليهم وندعو ربي يوفقهم وينجحهم

على هاد الشي كامل
فكرة يا خاوتي وش رايكم نعملو حنا في هاد الموضوع
شغل مكان نتلاقو فيه
نتحاورو فيه
يلي عندو مراجع يفيد بيها خاوتو يلي عندو سؤال ولا حصل يجي لهنا يسئل
نتفاهمو على طريقة كيفاه نبداو نتلاقاو ولو مرة في السمانة نراجعو فيها منهجيتنا

وحتى خاوتنا في نظاميين ياريتيكونو معانا و ينورونا هوما تاني باسكو محاتجين عونهم لينا
على العمووم انا فكرة وطرحت لفكرة تاعي وياريت تعجبكم لخاطر صح لازم نكونو ايد وحدة هكدا نمشو درجة درجة
ولعقوبة لنهار نتلاقاو هنا كامل فرحانين ونباركو لبعضانا نجاح لشهادة بكالوريا BAC

واعذروني خاوتي بلاك طولت عليكم واسمحولي على الدارجة تاعي حبيت برك نحكي بيها باه توصل لفكرة مليح

يلا تهلو في رواحكم ورانا نستنو ردودكم

ربي يوفق الجميع وربي يكون في عونكم كااامل وبربي النجاااح

سلام عليكم







https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©