• هام جدا • شعبة تسيير وإقتصاد

[walid]

السلام عليكم ، علابالي كاين أعضاء ذرك يدخلو الموضوع ، يقراو الأسطر الأوائل ويصوطيو ويفتشو في الموضوع كاشما كاين رابط فيه موضوع أو ملخص شامل ينتافعو بيه ،، وكي ما يلقاوش ، hop أقفل الصفحة وشوف وحدا خلاف بالاكش ينوب ربي ونلقاو حاجة تصلح .. للأسف هكذا صارية الأمور ،، تلقى موضوع مثلا فيه ملف للتحميل ، تشوف شحال من مرة تم تحميل تلك الملف ( أكثر من 200 مرة ) يعني 200 شخص حملو هذاك الملف ، ومانيش راح نتكلم على الردود لي غالبيتها مايتعداوش 10 ردود ، راح نتكلم على حاجة خلاف ، لي هي من أصل أكثر من 200 شخص ، فقط تلقى 4 أو خمس أشخاص هم الذين يواصلون في وضع المواضيع مقترحة و رسمية مع ربط ملفات فيها ليستفيد الجميع منها ، والسيناريو يبقى يتكرر ، 4 عباد تحط المواضيع مقترحة و رسمية و 200 خلاف يحملوها ، وهكذا؛ ذرك السؤال : 200 شخص هاذوك ، يعني ما عندهم حتى شئ يقدموه للآخرين ؟؟؟ ما عندهمش مقالات ؟ ما عندهمش مواضيع مقترحة و رسمية ؟؟ دروس مفصلة ؟؟ سلاسل ؟؟؟ والله كون ندريها ما عندهمش صح ، والله السماح ؛ لكن للأسف كامل عندهم ومع ذلك ما تجيهمش في بالهم ولا مرة أنهم يتكرمو بوضع مساهمة يستفاد منها الجميع ؛ شئ محزن فعلا ، عباد بدون قلوب ، يخمو غير في نجي ندي ( نأخذ ) ولا مرة يقول والله ذرك ندخل نحط ؛ كفاكم أنانية يا عباد ربي ، خممو شوية في الغير ، ما تخسرو والو كي تسكانيو وتشاركونا بعض مواضيع مقترحة و رسميةكم ( لاشتا تصوروهم بالهاتف ) رايحا تاخذ 5 دقائق من عماركم ورايحين تفيدو بيها الآلاف ذرك ومن بعد ...
ما زال ثلاث أشهر للموعد ، إما نفيدو بعضنا البعض بالشي لي كتبو ربي ، وإلا كل واحد يضرب من ڨرنو ويطيّر تفتوفة ما يستفادش منها .. كِما تحبو



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©