نصائح لطلاب الشهادة بكالوريا BAC 2014

[Chakira]

بسم الله الرحمان الرحيم
أقد لكل طلاب الشهادة بكالوريا BAC 2014 بعض النصائح اللتي قد تساعدهم في النجاح بإذن الله في الشهادة -
وهذه بعض الأخطاء التي وقع فيها البعض العام الماضي وانا واحد منهم :
-01/ كل واحد يقول مزال الحال على الباك منبعد ونحفظ ونقسم وقتي
-02/ نقارع للعتبة بلاك ينقصولنا الدروس مفصلة بزاف
-03/ منبعد نلخص ونسهل على روحي اللمراجعة شاملة
-04/ نفهم المواد العلمية ونبعد في التالي نحفظ
-05/ ندير ليتيد ومنتبعش مع الأستاذ في القسم
-06/ الباك ساهل نقرى غير شويا مع التالي ونجيبو لابغا ب 10

المهم أنا نقدم ليكم نصائح وللي تفيدكم إن شاء الله

01///الشهادة بكالوريا BAC فيها كل المجالات والمحاور ولازم تراجعو الدروس مفصلة باتنظيم وتقسمو وقتكم مليح مابين المواد العلمية والأدبية ونقصو على روحكم الضغط وحفظو المصطلحات وحلو المواضيع مقترحة و رسمية النموذج مقترحية

2///ونصيحة من عندي ماتوقعوش فس نفس الخطأ وتقارعو للعتبة لازم تراجعو وتفهمو وتحفظو واش قراكم الأستاذ على خاطر هو على بالو واش راح يدير

3///اما في مايخص التلخيص هداك خاص باقوانين نتاع المادة العلوم الفيزيائية و التكنولوجية والمادة الرياضيات

4///لازم توازن بين المواد العلمية والأدبية

5//حاجة مليحة لوكان دير ليتيد مي لازم تبع مليح مع الأستاذ والحاجة اللي ماتفهمهاش حاول أنك تفهمها في ليتيد وزيد رسخ المعلومة

6//على بالي الباك ساهل مي ماتنساش بلي المعدل 10 ماعندك ما تدير بيه وتندم كي تجيب الباك ب10 منبعد أملا لازم تقرى وتجيب معدل شباب ودير إختصاص شباب في الجامعة إن شاء الله

هدا واش حبيت نقول اللهم إشهد فإني بلغت
وللي يحتاج مساعدة في أي مجال ...... فطلباتكم أوامر ...تحياتي.... السلام عليكم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©