walid
11-07-2013, بتوقيت غرينيتش 06:11 AM
وصل الباك يا لبنات * وما بقى غير الذكريات *كل واحد فينا راهو يضرب في لحسابات *يا ترى ينجح ولا يبقى كي العادات *بين جدران المن التعليم الثانوية يتز فيه الريح صباح او عشية*ولا يروح للجامعة او يضرب فيها حطة أو لبسة رسمية *في ديك 15 يوم ماتلقى ذبان يحوم*كل واحد في دارو *يناقش في حوالوا* منهم جماعة الخير اللي يخموا على ارواحهم باش مايطيحوش في البير *يجبدوا ملخص شاملات يراجعوهم في 5 ساعات *ويبقاو مرتاحات* متمنيين وكتاه تجي ساعة الامتحان شاملات* ومنهم جماعة الشر-* تلقاهم تشواو كي الدجاج لحمر* في كاش المكتبات * يخرجوا في قصاصات* مكتوبين بلسان لبروات تحير واش من عين تقراهم ياسادات* فيهم يخبيهم في الجكيتات * او لحقت حتى تحت الصباطات* في رمشة عين تخطفو قاع لورق كي لحمام والطير*زلزلت لرض ولا ثار البركان المهم تلمو لورق واللي يصير يصير*
فوصل يوم الامتحان شامل والغاشي كي الذبان*بالرغم من الحواجز والجدران تعدى عليها شعبنا بكل سهولة وأمان* الشباب والشابات *او لحقت حتى لعجايز والشياب*راهم ملهوفين بالعياط أو الهدرة او هما مكفوفين*أو في العقلية حابسين*او في العنف واحد مايغلبهم ياسامعين*ياترى واش يجيبهم عند ديك الشمس الحارقة *يعني باش يديو الباك غير المافيا أو السرارقة* أو في ليلة موبيليس تلقى الناس تفتش في لبورتابل كي لابوليس *او منا شوي توسويس تحطلهم الماء يلصقوا كي لاغريس-او من ثمة تبدا الخلعة أو العين راهي هيات للدمعة* او لاطونسيو نتاع القلب طلع لسبعة* والناس طالعين هابطين *لا تبين منهم ملاح ولاصامتين* *قاع ولاو مصفارين* من الخلعة والدمار ذايبين*
افتح عينك مليح الطفل سمع رسب *او بدا بلعياط او لكفر*ماقدر يصبر*حطم الرقم القياسي *ويقول شوفو قرايتي ياناسي *وصار يغني أو يلحن كي الشاب العراسي *يمشي في الزنق ويقولكي لمهبول لعلاني مسحور *دارولي لبخور باش نخلط السطور*او لقرايتي ماننجحش *او لربي مانومنش *او للدنيا مانعرفش*
او في هذيك الشوكة تلقى الطفلة *دارتلنا شكشوكة *بالبكى او النديب كلات وجهها كي الذيب*
او كي ندور راسي نسمع في كل دقيقة 20 بارودة او 20 تزغريدة * بعد سنة كامل تمرميدة *او ريحة الطمينة طير القديدة
https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©
فوصل يوم الامتحان شامل والغاشي كي الذبان*بالرغم من الحواجز والجدران تعدى عليها شعبنا بكل سهولة وأمان* الشباب والشابات *او لحقت حتى لعجايز والشياب*راهم ملهوفين بالعياط أو الهدرة او هما مكفوفين*أو في العقلية حابسين*او في العنف واحد مايغلبهم ياسامعين*ياترى واش يجيبهم عند ديك الشمس الحارقة *يعني باش يديو الباك غير المافيا أو السرارقة* أو في ليلة موبيليس تلقى الناس تفتش في لبورتابل كي لابوليس *او منا شوي توسويس تحطلهم الماء يلصقوا كي لاغريس-او من ثمة تبدا الخلعة أو العين راهي هيات للدمعة* او لاطونسيو نتاع القلب طلع لسبعة* والناس طالعين هابطين *لا تبين منهم ملاح ولاصامتين* *قاع ولاو مصفارين* من الخلعة والدمار ذايبين*
افتح عينك مليح الطفل سمع رسب *او بدا بلعياط او لكفر*ماقدر يصبر*حطم الرقم القياسي *ويقول شوفو قرايتي ياناسي *وصار يغني أو يلحن كي الشاب العراسي *يمشي في الزنق ويقولكي لمهبول لعلاني مسحور *دارولي لبخور باش نخلط السطور*او لقرايتي ماننجحش *او لربي مانومنش *او للدنيا مانعرفش*
او في هذيك الشوكة تلقى الطفلة *دارتلنا شكشوكة *بالبكى او النديب كلات وجهها كي الذيب*
او كي ندور راسي نسمع في كل دقيقة 20 بارودة او 20 تزغريدة * بعد سنة كامل تمرميدة *او ريحة الطمينة طير القديدة
https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©
