مساعدة لوجه الخالق

[linnou]

بدون اطالة اناجوزت باك 2014 وربحت الحمدالله لكن بمعدل 11 ومالقيت واش ندير بيه المهم قررت انعاود الباك حرة لكن المشكلة اني من الصدمة نتاع النتيجة اللي ماتوقعتهاش علما انو معدلي كان يتراوح بين 14و15 مقدرتش نقرا وهذا كلو من الناس اللي حولي قاعدين اهبطولي في المورال وماكاس اللي قالي عاوديه وجربي حظك الكل يوجهلي كلام يبكيني ويزعزع ثقتي بالله وبنفسي انا والله من اليوم اللي خرجت النتائج سلمت امري ربي ورضيت بواش اعطالي لاني نعرف ناس ممتازين معايا ماجابوهش وكل اللي يقراو معايا متحصلوش على معدل مليح وراح يعاودوه والان حابة اللي يواسيني ويرفعلي معنوياتي لاني خلاص كرهت حياتي بزاف والوقت راه يمر وحتى يما اتقولي احنا معندناش الزهر وربي مكتبنا منقراوش انا وخاوتي وساعة تقولي عين قادرة صابتني وخلي ..........................وخلي علما انو واحد ماراه عارف ربي واش مكتبلو في هذي الدنيا والشي الوحيد اللي مقتنعة بيه انا حب ربي ليا وكل عبادو وانو العادل الحق اللي مايظلمش



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©