ياربي تكون يوم الجمعة نهار سعادتي ونهاية احزاني

[linnou]

هادي ليام والله ياخاوتي منيش نرقد الليل من التخمام مع انو نخدم والعيا يقتلني مي التخمام فالباك قتلني شحال راني حاب نفرح عبالكم نهبل بالفرحة معليش خلوني نوم حبيت نفرح يما مسكينة وبابا حاب نكون انا وليدها ليفرحها ويدخل لافاك بوسك ديما تقولي واحد من ولادي مافرحني ودخل لافاك حاب نجيبو باسكو بزاف قالولي نتا متجيبوش ومنهم عمي لنخدم عندو حاب نجيبو باسكو بزاف اساتدة عاونوني وجامي ننسى خيرهم كنا نقراو حتى للتناش تاع الليل يمات حلوين صح عيينا وليت نشرب الكاشيات وخسرت دراهم بزاف مي والله مخسارة فالباك شحال حاب نفرح العام لفات رحت مع وليد غمي لليسي ولقى اسمو عبالكم والله فرحت فبلاصتو هداك اليوم مت بالفرحة تمنيت انا تان نجيبو ياربي وفقني مينداك نحب نغمظ عيني ونقعد ايماجيني روحي جبت الباك صج ننسى احزاني وكان جات ليا نمد كامل واش عندي المهم نتدوق فرحة الباك تعيشو ادعولي راني خايف غدوا



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©