لكل من راه خايف من الوقت

[walid]

نقولك صدقني مازال الوقت متسمعش اللي يقولو صاي مبقاش الوقت واللي قرا قرا في الشهورة اللي فاتو وصاي دك يوصل الوقت ثم ثم وصاي خلات اصاي باصينا اصاي وصل لباك وكانو غدوة نعقبو راه مازال شهر و 12 يوم دير فيهم واش حاب


صدقني كي تقرا في النهار على الاقل 6 سوايع وتعرف كيفاش تنظم وقتك وهداك اللي تقعد تسمع في العبارات اللي يحطمو اقراه خيرلك


انا مديتش لباك من قبل واللي خلاني منديهش اني قعدت نحسب في الوقت وخايفة من الوقت وضغطت على روحي بحكاية مبقاش الوقت عليها مديتش ومقدرتش نكمل واش بقالي ومدرتش الثقة في نفسي اني نقدر نكمل واش بقالي كيعاد ربي عطالنا قدرات مي حنا اللي نستهزاو برواحنا اللي نجحو مشي خير منك ولا خير مني مي هوما عرفو كيفاش ينظمو وقتهم ودارو ثقة في ربي اولا ودارو ثقة في نفوسهم

مالا مديروش غلطتي وان شاء الله مام انا منعاودهاش


في الايام اللي بقاو تقدر تحفظ واش بقالك وتقدر تكمل البروغرام باذن الله مي تفاءل وتوكل على ربي وكي تفشل تفكر بلي اللي يتعب ان شاء الله ميضيعوش ربي وزيد كي تجي تحل تمرين مثلا وتنسا مشي نهاية العالم عاود ريفيزي شويا وان شاء الله كي تنسا ليوم نهار لباك متنساش


متقعدش تسنا في العباد يطلعولك المورال كيعاد لا مطلعتش المورال لنفسك مستحيل يطلعلك المورال وزيد كاينين ناس راهم يقراو ويشتيو يبهبطو المورال للعباد يقعدو يحسبو الوقت بالسوايع والدقايق والثواني


راهي شهر و 12 يوم اييييييه خير ربي ان شاء الله

سلام ادعيولي ننحج السنة انا بامس الدعاء بارك الله فيكم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©