مساعدة من فضلكم :(

[linnou]

السلام عليكم

راني حايرة و ملقيتش كيفاه ندير و الوقت ما بقاش فمن فضلكم الي يقدر يعاوني ما يبخلنيش

انا طالبة في الثانوي و هذي اول مرة نفوت الباك الكل يتوقع مني الامتياز خاصة العائلة الاب بالتحديد الي ما خلاش عليا من كور لكور وش نحتاج كامل يوفرهولي
انا العام الي فات كنت نجيب 16المعدل و بدون اي جهد يعني نقرا ليلة الاختبار و نتبع في القسم مع لي كور و فرات مي عمبالي هاد العقلية ما تخرجنيش السنة

ما عندي حتى مشكل مع المواد الادبية اللغات عندي كي مادة اللغة العربية و الحمد لله حتئ الفلسفة و جبت فيها 17 و لكن شوية مادة اللغة العربية ما فهمتش كيفاش نقراها و الاستاذة تعنا مستخلفة هي في واد و مادة اللغة العربية في واد -___-
الي يعرف كتاب كامل مليح في الادب يقولي عليه من فضلكم

اما المادة الرياضيات فحدث ولا حرج نموت منها مع انو و الحمد لله راني تحسنت فيها و جبت 15.5 ولاكان ماشي التوتر كنت قادرة نجيب اكتر مي كومام خايفة منها و حابة نشري كتاب كامل خارجي مي ما عرفتش وناه صح ينفعني

في المادة العلوم الفيزيائية و التكنولوجية كيف كيف

حقيقة انا تائهة و ما عرفتش كيفاه نقرا و ما لقيتش شكون يوجهني و حاسة بلي رايحة نضيع روحي هكة فمن فضلكم
Help Me
http://www.dzbatna.com/images/smilies/frown.gif




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©