واااااا حسرتاه على تعبي !!!

[admin]

السلام عليكم
راني في حالة تعيشوو طلعولي المورال ... هابطلي لـ 0 و زدت هبطتو لوالدي و لو أنهم قالولي ماعليش المهم الباك بصح أنا ما اقتنعتش
نقاطي كارثية رغم أنني تعبت كثيرا و الله العظيم غير ضحيت بحوايج ياااسر على جال القراية و سهرت بصح http://www.dzbatna.com/images/smilies/confused.gif
في العلوم ديت 14.5 ( هادي معليش خاطر الأستاذ تيعنا معروف بالبخل تيعو في التنقيط ديجا سلم التنقيط يعملو على 18 أو 17.5 يعني ليس ذنبي )
بصح الكارثة العظمي في المادة العلوم الفيزيائية و التكنولوجية يا جماعة ديت 14 و الله ما قهرتني العلامة قد ما قهرتني وحد الحاجة
راني ما نفرقش بين El و Elib تصورووو !!!!! راني فاهمة بللي الاولى طاقة ربط و الثانية الطاقة المحررة و عارفة القوانين بصح كيفاش نهار الامتحان شامل خربطتها ما نعرف
رااااح نهبل !!!!!!!! و علاه في الدار نحل صحيح و في الامتحان شامل يصيبني العمى
اهئ اهئ ما تتصوروش قداش تعبت فيها الفزياء و علاجالها ما حفظتش مادة التربية الاسلامية مليح و سهرت و نضت على الصباح و الله العظيم غير غاضتني روحي
أعلى علامة 17.5 و كاين اللي داو 16.5 و ماهمش راضيين و عندهم الحق ... عندنا أستاذ ربي يحفظو رائع و يفهم و يتعب مي مسكين ما يلقاش النتيجة في الأوراق
في المادة الرياضيات 15 هادي بالاك نقول صافا و لو أني لدرك ما علاباليش وين طارو الـ 5 نقاط
الفلسفة ما نحكيش عليها و باقي المواد ربي يستر
إلا ما خدمتش أعرفو بللي فريال راي تحتضررررررررررررررررررررررر
خايفة ما نجيبش 15 معدل حسبتو ( نقصت شوية ) لقيت 14.94 اني خايفة و الله العظيم
ياااااااااااا ربي ساعدني
قولولي كاش حاجة ربي يعطيكم واش تتمناو



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©