فستان بسيط لبنتي ....

[romaissa]

http://www.dzbatna.com/images/smilies/dj_17.gifالسلام عليكم
بلا ما نطول عليكم درت فستان لبنتي من قبل وزدت درتلها واحد كيفو تصيف فيهم ودرتلكم شوية شرح مفصل اللي بغات تدير كيفو اكييد للمبتدئات كيفي http://www.dzbatna.com/images/smilies/biggrin.gifhttp://www.dzbatna.com/images/smilies/biggrin.gif
الاول الابيض .. ساعدتني فيه جارتي الخياطة ربي يحفظها والثاني الاحمر ..درتو وحدي http://www.dzbatna.com/images/smilies/cool.gif يعني بديت نتعلم http://www.dzbatna.com/images/smilies/biggrin.gif
شوفو وفي انتظار ارائكم التشجيعية
http://www.up.dzbatna.info/uploads/137067152751351.jpg
الخطوات
http://www.up.dzbatna.info/uploads/137067159262391.jpg


الشرح مفصل سمحولي النت كانت ثقيلة الصباح عندي بالسيف ما حطيت المواضيع مقترحة و رسمية المهم
بنتي عندها عامين ونص يعني 1م كفاني وفضل شوية لازم تعرفي كيفاه تحطي لقماش عند الفصالة باش مايروحلكش كامل قطع صغار ...تحطي الباترون المخروطي وتقصي 1 والثاني تعكسيه وهكذا تعكسيهم باش ما تفسديش القماش وتقصي 6 ... قيسي عرض الظهر انتاع بنتك من الابط الى الابط اضافة لعدة سنتيمترات انا درت اكثر من10سم ما تخافيش كي تركبي لاستيك انتاع البوبينة راح يتكمش والعرض كيلي من الابط الى وسط الظهر
من الامام شوفي حاجة تلبسها بنتك تجيها مرتاحة فيها وهزي القياس وخلي ديما حق الخياطة وفصلي زوج ( السجاف ) مع بعضاهم فرد خطرة .
لصقي 3 مخروطات مع بعضاهم ولصقيهم مع الظهر وزيدي لصقي المخروطات الباقية مع الطرف الامامي وما تنسايش الحزام اذا بغيتي ولصقيهم مع بعضاهم وقيسي لبنتك باش تعرفي طول ليسانتر ولصقيهم .... وتكون الروبة انتاعك واجدة
سمحولي راني طولت عليكم الله غالب مبتدئة
تحياتي للجميع
http://www.dzbatna.com/images/smilies/mh31.gifhttp://www.dzbatna.com/images/smilies/mh31.gifhttp://www.dzbatna.com/images/smilies/mh31.gif




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©