دلّلي كوزينتك ...العيد قرّب :

[walid]

http://files2.fatakat.com/2014/7/13097929401166.gif




اللهم صل على سيدنا محمد صلاة ترضيك وترضيه وترضى بها عنا يا رب العالمين
وعلى اله وصحبه اجمعين والتابعين باحسان الى يوم الدين:


وش احوالكم يا بنات نتمنى تكونو كامل بخير
اليوم جيت ضيفة جديدة في قسم الخياطة نتمنى نكون ضيفة خفيفة الظلhttp://www.dzbatna.com/images/smilies/rolleyes.gif

حبيت نحط موضوع نتاع طقم الكوزينة
اولا في خاطر احتي الغالية ام راضية لانها طلباته
وثانيا للعرايس اللي توجّد حوايجها للدار الجديدة ربي يهنيهم ولعقوبة للي مازالو
وثالثا لكل من تحب تجدد في كوزينتها او كوزينة ماماها
فقط للي استفادت ماتنسانيش من دعائها
ربي يرضى علينا ويقدرنا نعملو صالحا يرضاه ويبعد علينا كل سوء

الكوزيييييييييييييييينة...
حبيبتنا الكوزينة...ورفيقة الدرب في االليالي الحالكات..هههههhttp://www.dzbatna.com/images/smilies/biggrin.gif
طقت في دماغي في عيد من الاعياد ندرلها قش العيد وندللها على تعبها معايا
تستاهل...لا؟
وحتى حنا لبنات نستاهلو نكونو مرتاحين فيها واغلب وقتنا لثمّاhttp://www.dzbatna.com/images/smilies/wink.gif
كنت شريت قماش خاص بالمطبخ جزائري وكاين انواع ماشاء الله
حوالي 4 مترات
شوفو وش درت بيه:
http://im38.gulfup.com/dHOkL.jpg

اولا حكمت الطابلية القديمة نتاع الطقم القديم المشري جاهز
وحطيتها فوق القماش وفصلت قدها
ودرت التور بالبيي موف...
بَنَشْنَنِي كيما تقول بنتي مريومة ...زعمة بنفسجي http://www.dzbatna.com/images/smilies/biggrin.gif
وخيطت جيب على شكل تفاحة
مانعرف بانت تفاحة ولاّ برج دلاّع؟http://www.dzbatna.info/vb/images/icons/mh01.gif

http://im38.gulfup.com/Db96a.jpg
وعاودت فوق الكاري القديم القماش وحوطتلو بالبيي
http://im38.gulfup.com/jjlyo.jpg
ونفس الشي للقفاز القديم لأنه كان قدام لكن كان مبطّن ويشد الحرارة كي نهز بيه
http://im38.gulfup.com/ScDxO.jpg
وخيطتو بالبيي كيما في الصورة ودرتلو منين يتعلق
http://im38.gulfup.com/JBQxs.jpg
وفصلت مستطيل وخيطتله البيي على الجناب ودرتلو لاستيك على بعد حوالي 4 صباع من الحافتين
ودرتلو حتى هو منين يتعلق
لأكياس البلاستيك عملية
ندخلوهم من فوق ونجبدو بالواحد من تحت

http://im34.gulfup.com/1lEwq.jpg
http://im34.gulfup.com/q62PG.jpg
وحتى الفريجيدار خيطتله مستطيل كبير عرضه عرض الثلاجة وطوله حسب ماتحبي
يعني المهم يكون نازل على الجناب
http://im38.gulfup.com/J3IND.jpg

http://im38.gulfup.com/ZmeOk.jpg
الجيب نفس اللي درتو في الطابلية
http://im34.gulfup.com/fClXP.jpg

ونفس الشي للميكرووند...لكن بلا جيب
http://im34.gulfup.com/QLJCm.jpg
والطابلة درت دائرة كبيرة وكففتها بالبيي
http://im34.gulfup.com/BbHlr.jpg
كانت الخياطة لازم تكون في النص لان القماش عرضه قليل بالنسبة لعرض الطابلة

http://im34.gulfup.com/CsL4c.jpg

وهذا نحطو غير في المناسبات
لكن للدوم شريت توالسيري يتماشى مع اللون
http://im37.gulfup.com/PLJiW.jpg


بالنسبة للريدو كنت معولة نخيطه من نفس القماش
باش يكون مع بعض
لكن ماكفانيش الوقت
وكنت كي خرجت لقيت هاد الريدو سامبل ويتماشى مع اللون اللي شريت
شريته لان ثمنه كان معقول يعني
http://im34.gulfup.com/RVdzF.jpg

وشريتلو اكسسوار صغير على شكل تفاحة باه يتحكم او يتطلقhttp://im34.gulfup.com/qe974.jpg
بهاذ الشكل لاختراه ماعنديش لا أوت فمضطرة نحل الطاقة بزاف
http://im34.gulfup.com/02eHK.jpg
هذا بالنسبة للخياطة نتمنى تكونو استفدتم من الفكرة
وفي المشاركة التالية باذن الله نحط بعض الاكسسوارات اللي شريتها
باه تتماشى مع اللون وتكمل بهاه في الكوزينة
http://www.dzbatna.info/vb/images/icons/mh51.gif
http://im42.gulfup.com/FdS3H.jpg





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©