المساعد الشخصي الرقمي

مشاهدة النسخة كاملة : طريقتي في معالجة الكاو كاو لصنع الحلويات جزائرية التقليدية



admin
11-02-2013, بتوقيت غرينيتش 02:56 PM
سلام الله عليكم احلى عضوات

انشاء الله تكونو في احسن حال

موضوعي اليوم حول طريقة معالجة الكاوكاو لصنع الحلويات جزائرية التقليدية

كما هو معروف الكاوكاو فيه ريحة قوية وفيه كمية كبيرة من الزيت

تمنع من تشكيل بعض الحلويات جزائرية

ولكن كل حاجة عندها علاج

اقصد هنا بالعلاج اننا انسموه ونعطروه وهكذا نخلو الكاوكاو نكهته رائعة وتشبه نكهة اللوز بطريقة سهلة وغير مكلفة وكذلك بالنسبة للاخوات الي يحبو اجربو الحلويات جزائرية لانهن مبتدئات ومايقدروش يشرو اللوز انقدلكم الطريقة

المقادير

كمية من الكاوكاو
5 حبات قرنفل
قشور2 ليمون
كمية من الماء الزهر
حبة ليمون كاملة

عطر اللوز حلو
فاني

http://up.top4top.net/uploads/2014/06/18/top4top_1b7712228c1.jpg
الطريقة

في جفنة نحط الكاوكاو ونفرغ عليه كمية من الماء الزهر وقشور الليمون ونحك جيد ا بين راحتي اليدين لبضعة دقائق

http://up.top4top.net/uploads/2014/06/18/top4top_1b7712228c2.jpg


http://up.top4top.net/uploads/2014/06/18/top4top_1b7712228c3.jpg


في قدر نحط حبات القرنفل وحبة الليمون مقطعة على2 ونحط الكاوكاو في كسكاس ونتركه يفور لحوالي20 دقيقة ونحط الكوكاو بكميات قليلة يعني 1كلغ نقسمه على 3 تفورات


http://up.top4top.net/uploads/2014/06/18/top4top_1b7712228c4.jpg



http://up.top4top.net/uploads/2014/06/18/top4top_ab7d8887f35.jpg


بعد مايفور
اذا كان عندنا الوقت نحطوه فوق ورق المطبخ جزائري ونخلوه لمدة 5ايام ينشف في الهواء مع تغيير كل يوم لورق المطبخ جزائري رايحة تلاحظي ان الورق يكون معمر بالزيت

واذا ماكنش عندك الوقت حطيه في سنية وسخني الفرن جيدا ثم طفيه ودخلي الكوكاو وخلي الفرن حتى يبرد وكري العملية 3مرات حتى ينشف

http://up.top4top.net/uploads/2014/06/18/top4top_ab7d8887f36.jpg


بعد ماينشف نعطرو بقطرات من عطر اللوز الحلو والفاني

http://up.top4top.net/uploads/2014/06/18/top4top_ab7d8887f37.jpg

ونطحنوه ونستعملوه تقدري حتى تحتفظي به في علبة في المجمد الى حين الاستعمال

سر من اسرار الحلويات جزائرية

مثلا يكون عندك لوز بقشوروتملطيه يعني تنزعي القشور هذاك القشور ماترميهش احتفظي به نشفيه في الهواء

واذا حبيتي تعملي كاش حلوة الي يكون فيها لوز بقشورو مثل مشكلة او نوع من البقلاوة اطحنيه مع الكاوكاو معالج يصبح وكانه لوز

اخواتي جربوه خلال اليام المقبلة باه نعملو مع بعض بعض الحلويات جزائرية التقليدية الي حابة تتعلم
واذا قدرني ربي نقدم لكم بعض الحلويات جزائرية التقليدية

ماتنسوانيش بدعواتكم

تحيات اختكم ام اسلام واية ويوسف







https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى