*-*قاطو النيسلي للأعراس والمناسبات هشوش و بنين امممممممممم من المطبخ جزائري الجزائري*-*

[Chakira]

http://up.dzbatna.info/uploads/13466273241.gif


http://im33.gulfup.com/zXMDO.jpg




اليوم كملت قاطو النيسلي عملتو لعرس سلفي ربي يكملو و يهنيه

و ذلك بمساعدة حبيبات قلبي شقيقتاي أم زياد (اسم عضويتهاLOSIANO)و sihem nrdn (هذا اسم عضويتها معنا) نقلهم ربي يعطيك ما تتمناو في الدنيا و في الآخرة


لذلك حبيت نحطهولكم تستفادو منو ا حصريا على منتدى ديزاد باتنة

لنبدأ على بركة الله

المقادير:

راح نعطيكم مقادير نتاع 110 حبة و انت تقدري تعملي النصف أو الضعف حسب الرغبة وحسب المناسبة


العجينة: هي عجينة الصابلي السكر فيها قليل لمعادلة المذاق الحلو مع الحشو لأنو حلو بزاف

- 500غ مرغرين طرية (أفضل صول على لابال لأنو لابال في القاطو تطلق ليدام بزاف)
- 4 ملاعق كبار معمرين سكر رطب
- 2 حبات بيض
- ملعقة صغيرة فاني بودرة (تحبي تضيفي زاست الليمون إختياري)
- 2 ملعقة صغيرة خميرة الحلوى
- فرينة للم العجينة


الحشو:

- 2 علب نيستلي
- كمشة لوز محمص و مرحي رقيق كيما نتاع البقلاوة
- علبة نتاع 400غ pate à glacé (عبارة عن شوكولا خاصة بالقلاصاج)

للتزيين: (البيستاش المخادع)


- 200غ كاوكاو محمص و مرحي رقيق كيما نتاع البقلاوة
- معطر الفستق (البيستاش)
- ملون أخضر فستقي (vert pistache) من الأفضل سائل
- قطرات ماء




هذي هي pate à glacé

http://www.up.dzbatna.info/uploads/137158743547021.jpg





طريقة التحضير:

العجينة : امحري باستعمال راحة يدك (كفك) المرغرين مع السكر جيدا حتان تعطيك كريمة ضفي البيض واحدة واحدة مع المحر دائما ثم ضفي الفاني ثم الخميرة مع الفرينة حتان تعطيك عجينة طرية


http://im36.gulfup.com/DpF1z.jpg

http://im42.gulfup.com/MZfAR.jpg

http://im36.gulfup.com/k8gAa.jpg





خذي كويرة قد حبة الجوز و قرصيها في يدك و أدخليها المول نتاعك سواء مربع أو دائري الشكل حسب رغبتك

و سوي الجوانب و القعر نتاع المول بالعجينة
أكملي الكمية كاااااااملة ثم ثقبي الوسط نتاع لي مول بالشوكة باش ما تنتفخش العجينة و تفسدلك الشكل


http://im36.gulfup.com/g0pJN.jpg


ثم ضعيها في فرن مسخن مسبقا على درجة 180° في الوسط حتان تصبح وردية اللون على حواف لي مول

دعيها تبرد ثم أنزعيها من المول برفق حتى لاتتكسر

http://im36.gulfup.com/hk7l6.jpg

http://im36.gulfup.com/ZrKia.jpg





الحشو:

ضعي النيستلي في لاكوكوت و ضفي الماء بحيث يوصل لمنتصف العلبة نتاع النيستلي

أغلقي عليه و كي تبدا تصفر الكوكوت أحسبي ساعة ثم أطفئي و انزعي العلب منها و ضعيها تحت الحنفية باش تبرد شوية

أتركيها مدة ساعة حتان تبرد العلب مليح ثم أفتحيها و ضعيها في صحن عميق راح تكون هناك تكتلات بواسطة الملعقة أخلطي جيدا حتان تروح التكتلات

ثم ضفي اللوز المطحون كميته حسب رغبتك و حركي جيدا

http://im36.gulfup.com/va5rM.jpg

ثم احشي القاطو نتاعك حوالي ملعقة صغير فلي مول المربعة و ثلاثة أرباع ملعقة صغيرة فلي مول الدائرية الشكل

تكوني ذوبتي الpate à glacé على حمام مائي
حذاري ما تضيفيلها والو من السوائل راح تجمد معاك

ضفيلها فقط ملعقة صغيرة نيسكافي بودرة حكيها بين يديك باش تولي غبرة و ضفيها للشوكولا (pate à glacé) وهي ذايبة و حركي بالخف

التزيين: (البيستاش المخادع)


هي وصفة (جزائرية) الغالية الحبوبة أم زياد ربي يحفظو

http://im36.gulfup.com/LGdYZ.jpg

الكوكاو المرحي ضيفيلو ملعقة صغيرة معطر و قطرات ماء و الملون إذا كان سائل ضفيه مباشرة و إذا كان بودرة حليه في شوية ما

ثم حكي الكوكاو بين يديك باش يتلون بالملون و يتعطر مليح
إذا جاك ناقص ملون ضيفيلو حتان تلحقي للون المطلوب و اللي هو لون البيستاش

ثم أفرشيه في بلاطو وأدخليه للفرن ساخن مدة 5 دقائق (فكرة الفررن كانت للغالية فايزة 44 شكرا حنونة مواح)

كي تخرجيه خليه يبرد شوية و حكيه مرة أخرى بين يديك باش تتنحالو التكتلات

راح يخرجلك هكذا

http://www.up.dzbatna.info/uploads/137162464079351.jpg

ثم غطي النيسلي اللي درتيه في القاطو بالشوكولا اللي ذوبتيها وهي سخونة لأنو كون تخليها شوي راح تنشف ليه ليه و مباشرة حطي البيستاش المخادع نتاع التزيين بالطريقة اللي تعجبك
أنا مثلا عملت أنصاف مربعات (أو دوائرحسب شكل المول) بالبيستاش المخادع و الأنصاف الأخرى خليتها شكولا

http://im36.gulfup.com/wzZF9.jpg

http://im36.gulfup.com/CrHI8.jpg


ثم زينتها في الأخير باللماع الفضي ووضعتها في كيسات البرودي ثم في كيسات فضية مزخرفة
ما عندي ما نقولكم جربوه و احكموا بانفسكم

تقدرو تعملو نصف الكمية تمدلكم 50 أو 60 حبة

و هذي هي الصور النهائية

http://im33.gulfup.com/U52IR.jpg


http://im33.gulfup.com/2TS5m.jpg


http://im33.gulfup.com/t2cUZ.jpg

http://im33.gulfup.com/6krFq.jpg

http://im33.gulfup.com/qm9vP.jpg


http://im33.gulfup.com/X15AC.jpg

http://im33.gulfup.com/ms8sU.jpg

http://im33.gulfup.com/mYV6w.jpg



وهذا محمد زياد حبوبي أول وحدة ترد تاخذ الحبة هذيك من إيديه الحلوين


http://im33.gulfup.com/HVeyt.jpg


شكرا لك أم زياد حبوبة (LOSIANO)
شكرا لك حبيبتي الغالية سهام (sihem nrdn)

مواح حنوناتي ربي يخليكم ليا


شكرا لكل من فتح صفحتي

و لا تنسوني من صالح الدعاء أخواتي لي و لأختاي الحبيبات



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©