اروع و اسهل مقروط مضمون و ناجح 100 في 100

[walid]

السلام عليكم اخواتي
اليوم جبتلكم وصفة (جزائرية) مقروط بطريقة جديدة غير عن الطريقة التقليدية و مضمونة و ناجحة يعني حتى المبتدئات الي يخدموه لاول مرة ينجحلهم
نبدا على بركة الله
المقادير
الكيلة المستعملة انت و حسب الكمية الي تحبيها اذا صغرتي الكيلة تحصلي على كمية صغيرة اما اذا حبيتي كمية كبيرة كبري الكيلة نتاعك
كيلة سمن ذايب بارد
كيلة زيت
كيلة ماء معطربماء الزهر
2كيلات فرينة
قرصة ملح
جلجلان غير محمص
سميد من التعليم المتوسط حسب الحاجة( لكن انا كيلتو تقريبا 4 كيلات )
الحشو
غرس منقي و مرحي
قرفة
قرنفل
جلجلان محمص
ملعقة زبدة
ماء الزهر
http://im41.gulfup.com/w4nJQ.jpg
http://im41.gulfup.com/NzZwK.jpg
http://im41.gulfup.com/3SRLR.jpg
التحضير
نخلط السوائل مع بعض السمن و الزيت و ماء الزهر مع قرصة الملح و نضيف 2 كيلات فرينة و نخلط و الجلجلان
http://im41.gulfup.com/rIuwg.jpg
http://im41.gulfup.com/7FQdT.jpg

نبدا نضيف السميد بالشوية انا نضيف بالكيلة حتى نوصل الكيلة 4 نضيفها غير بالشوية حتى يحكم روحو ما يكون طري بزاف ما يكون ناشف بزاف لانو راح يمتص السميد ليدام و انت على حساب نوع السميد نتاعك انا استعملت سيم
http://im41.gulfup.com/x3arb.jpg

نغطيه و نخليه يرتاح ليلة او تقدري تديريه الصباح و في الليل تخدميه
في الصباح كي تجي تخدميه ادا لقيتيه امتص ليدام نتاعو وولى ناشف رشيه بشوي مازهر و حركيه ماتعجنيش
ناتي الان للحشو
الغرس نتاعك نقيه و جوزيه في الرحاية نتاع اللحم التقليدية باه يتعجن مليح و يطرا و يتنحاو الخيوط الي فيه
زيديلو مغرفة صغيرة قرفة ونص قرنفل و جلجلان محمص ديري كمية مليحة تعطيلو بنة هايلة و زيدي معاهم الزبدة و اعجنيه و رشي شوية ماء الزهر باه يطرى
http://im41.gulfup.com/nCBG5.jpg
http://im41.gulfup.com/PpA8Y.jpg
http://im42.gulfup.com/jDUxt.jpg
http://im42.gulfup.com/dExoL.jpg

خذي كمية من العجين شكليها على شكل حربوش عريض اعملي حفرة في وسطو و حطي فيه حربوش التمر و اغلقي

http://im42.gulfup.com/00YyT.jpg
http://im42.gulfup.com/MPF9r.jpg

رققي الحربوش نتاعك و اعدليه مليح و اطبعي بالطابع نتاع المقروط و اعدلي الجوانب نتاعو ثم قطعي حبات المقروط
http://im42.gulfup.com/B2W7h.jpg
http://im42.gulfup.com/cgmij.jpg

حطيهم في صينية الفرن متلاسقين باه الغرس ما ييبسش وطيبيه

http://im42.gulfup.com/XOT2H.jpg

ياخذ تحميرة خفيفة من تحت و من فوق يولي لونو وردي خرجيه و خليه يبرد تماما و نحيه من البلاتو لانو كان تنحيه و هو سخون راح يتفتت
و النتيجة النهائية مقروط هشيش يذوب في الفم رووووعة


http://im38.gulfup.com/o6xx5.jpg
http://im38.gulfup.com/9CgTq.jpg
http://im38.gulfup.com/xlT1b.jpg
لما تكوني رايحة تقدميه عسليه و تقدري تحتفظي بيه في علبة و ديريه في المجمد و لما تحبي تقدميه خرجيه قبل بوقت و عسليه و بصحتك
http://im34.gulfup.com/k3F4y.jpg
http://im34.gulfup.com/uVhhq.jpg


نتمنى تجربوه و يعجبكم
دعوة صغيرة ليا معاكم في العشر الاواخر ربي يجعلنا من عتقاء النار يا رب و لكم بالمثل
في امان الله



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©