بقلاوة رائعة ب **عجينة الفيلو** المعدة منزليا

[romaissa]

ّّّhttp://up.dzbatna.info/uploads/13466273241.gif


هاقد عدت إليكم مرة أخرى و في جعبتي المتواضعة وصفة (جزائرية) جديدة لحلوى البقلاوة بعجينة الفيلو المحضرة في المنزل
راح نقدمهالكم بالتفصيل الممل و التصوير الممل ههههه فتابعوني و ما تقلقوش لأنو كاين بيناتنا مبتدئات كيما تقول الوهرانية
هذه الوصفة (جزائرية) علمتني إياها أختي الكبرى الرائعة *س* ربي يحفظها و يحفظ وليداتها أنيس و عبدو (كبزيزة) و يعطيها ما تتمنى في الدنيا و في الآخرة
كنت قد عملتها شحال من مرة و هذي المرة درتها لأختي الأصغر عزيزتي *ص* بمناسبة إقتراب موعد ولادتها ربي يقومها بالسلامة إن شاء الله
و ذلك بمساعدة أختي التي تصغرني بسنة توأم روحي *م* ربي يحفظها و يحفظلها وليدها أحمد سهيل

طولت عليكم بالهدرة يلا نبداو على بركة الله

http://i1212.photobucket.com/albums/cc459/said0326/Untitled-1-1.gif


أولا نأتي إلى تحضير الحشو بالتفصيل


مقادير الحشو هي كالآتي:


- 3كيلات لوز مقشر ومرحي رقيق ماشي غبرة و ماشي خشين راح تشوفيه من بعد في الصور( أنا استعملت حوالي كيلو و نصف)
(تقدري تستعملي كاوكاو مرحي أو مزيج بين الإثنين كما تقدري تستعملي معاهم كمشة جوز مرحية راح تطلق البنة)
- كيلة سكر المائدة يعني العادي( اللي نسكرو بيه الحليب و القهوة)
- 3 ملاعق أكل زبدة ذايبة
- ماء زهر تلمي بيه الحشو راح يديلك حوالي قرعة كاملة ماتنسايش بلي تحتاجي ما زهر للتعسال



تحضير الحشو:



**إذا كان اللوز مقشر راكي تهنيتي لكن إذا كان ماش مقشر إليك طرقة سهلة للتقشار
خذي طنجرة ديري فيها الماء حيث حطيها على النار حتان يغلي و يعمل فقاقيع كبيرة يعني يغلي مليح مليح
طفي على النار و حطي اللوز اللي ماش مقشر فيه و خليه من 5 د غلى 8د كل مرة إجبدي حبة و افركيها بين إيديك و شوفي إذا تتنحى القشرة بسهولة أو لا ثم أبداي عملية التقشير ، خذي الملعقة الكبيرة اللي فيها ثقوب و اجبدي اللوز بالشوية و ابداي أفركيه بين إيديك راح تلاحظي بلي القشرة تتنحى بكل سهولة لكن حاذري راح يكون اللوز سخون
لازم يقعد على الأقل يومين في الشمس باش ينشف و تقدري ترحيه علاش قلتلك اللوز المقشر أحسن
**الآن تاخذي نصف اللوز أو كلو و تحطيه يتحمر في الفرن قوليلي علاش
لأنو اللوز كي يكون وحدو في البقلاوة ماشي محمر راح ما يبانش ذوقو لوز هذي أنا جربتها لكن كي تحمريه كامل أو تحمري نصفو راح يمد واحد البنة رائعة للبقلاوة
هذي صورة اللوز اللي حمرتو مليح لأنو النصف

http://www.up.dzbatna.info/uploads/136360341979821.jpg (http://www.up.dzbatna.info/)


**ثم ارحيه أنا عندي رحاية يدوية تعطيني الحجم اللي نحبو في الحشو
راح تعبك بصح مليحة هذي الصور نتاعها

http://www.up.dzbatna.info/uploads/136360348486081.jpg (http://www.up.dzbatna.info/)

http://www.up.dzbatna.info/uploads/136360349192051.jpg (http://www.up.dzbatna.info/)

بصح إذا حبيتي ترحيه في الروبو مافيش إشكال

كي رحيتو هاو كيفاش خرجلي

http://www.up.dzbatna.info/uploads/13636034304611.jpg (http://www.up.dzbatna.info/)


http://www.up.dzbatna.info/uploads/136360418624091.jpg (http://www.up.dzbatna.info/)


وهاذي حوالي 100 حبة لوز خليتها من الكيلو ونص للترشاق


http://www.up.dzbatna.info/uploads/136360349744591.jpg (http://www.up.dzbatna.info/)


الحشو ما تخلطيهش حتان تلحقي لوين باش تحطيه في البقلاوة لأنو راح يتشرب بزاف ماء الزهر و ممكن يخربلك العجينة كي تجي تطيبيه




الآن تحضير عجينة الفيلو



المقادير هي كالآتي:

- 5كيلات فرينة (طحين)
-نصف كيلة سمن أو زبدة ذايبة أنا استعملت السمن الذائب
-قرصتين ملح
-3ملاعق كبار حليب بودرة
- ماء دافي شوية للعجن
هنا ما نستعملوش ماء الزهر في العجينة

- النشاء لعملية الفرد أو حلان العجينة بالحلال حوالي 300 غ ممكن أقل
- كيلو مرغرين لابال ذايبة لدهن الطبقات و سقي البقلاوة قبل النضج
- كيلو ونصف عسل نونورس و نصف كاس ماء زهر للتعسيلة



http://www.up.dzbatna.info/uploads/136360419732911.jpg (http://www.up.dzbatna.info/)


http://www.up.dzbatna.info/uploads/136360722046371.jpg (http://www.up.dzbatna.info/)


ثم نخلط المقادير الجافة مع بعض كما توضح الصورة


http://www.up.dzbatna.info/uploads/13636072185661.jpg (http://www.up.dzbatna.info/)


نلمو بالماء حتى نتحصلو على عجينة طرية كيما نتاع البقلاوة العادية

ثم نعملو منها 9 كريات متساوية الحجم عينك ميزانك


http://www.up.dzbatna.info/uploads/136360722908051.jpg (http://www.up.dzbatna.info/)


ثم نغطيوهم ببلاستيك و نخليوهم يرتاحو حوالي ساعة وممكن أكثر هي ساعة تكفي


http://www.up.dzbatna.info/uploads/136360723444131.jpg (http://www.up.dzbatna.info/)


ثم نبدأ عملية الفرد بالحلال و هذا أهم شيء
نستعمل لعملية الفرد النشاء ماتخافيش منو لأنك تقدري تنفضيه عادي
راح نعمل 4 طبقات من الأسفل ثوم نضع الحشو ثم 5 طبقات من الأعلى
العملية الأصلية إنك تحلي كل واحدة على قطر حوالي 20 سم و تعمريها بالنشاء من فوق و تحطيهم واحدة فوق واحدة يعني ال 9 قرصات تحطيهم فوق بعضاهم و ديري بيناتهم النشاء ثم تحليهم مع بعض المرة الأولى بالحلال و كي توساع الدائرة حليها بالمونش تاع البالية تكون جديدة

لكن أنا جاتني كي نحلهم 2 ب 2 ساعدتني خير
إذن تأخذي قرصة تحليها بالنشاء قطرها حوالي 30سم هكذا


http://www.up.dzbatna.info/uploads/136360959827121.jpg (http://www.up.dzbatna.info/)


و تعمري وجهها بالنشاء هكذا

http://www.up.dzbatna.info/uploads/136360974522911.jpg (http://www.up.dzbatna.info/)


ثم حلي قرصة أخرى بنفس الطريقة و حطيها فوق الأولى


http://www.up.dzbatna.info/uploads/136360976903021.jpg (http://www.up.dzbatna.info/)


و حليها طوليا بلا ما تقلبيها و زيدي كملي حايها عرضيا بلا ماتقلبي دائما
نقلك علاش ما تقلبيش لأنو كي تقلبيها وانت تحلي راح تعمللك فقاعات هواء من التحت و راح تتطبقلك كي تجي تحليها و تلصق في بعضاها من عدة جوانب كي تتطبق
الصور توضحلك الطريقة


http://www.up.dzbatna.info/uploads/136360977504171.jpg (http://www.up.dzbatna.info/)

http://www.up.dzbatna.info/uploads/136360978318731.jpg (http://www.up.dzbatna.info/)



ثم ورقيها بكل سهولة لأنو النشاء يعمل كحاجز يمنع الإلتصاق لاحظي الصور


http://www.up.dzbatna.info/uploads/136361004512521.jpg (http://www.up.dzbatna.info/)

http://www.up.dzbatna.info/uploads/136361005085711.jpg (http://www.up.dzbatna.info/)


هنا ممكن راكي تشوفي فيها خشينة شوي هنا يأتي دور الشد كي تجي تحطيها على البلاطو شديها

http://www.up.dzbatna.info/uploads/136360988562151.jpg (http://www.up.dzbatna.info/)


تكوني دهنتي البلاطو نتاعك بالزبدة الذايبة اللي حكينا عليه قبل قليل و تحطي الورقة الأولى

راح تلاحظي بلي الأوراق تقدري تشديها باش تزيد ترقاق معاك ما تخافيش منها حتى واتثقبت مش مشكل المهم الورقة الأخيرة اللي تحطيها من فوق لازم تكون مليحة الباقي ما يهمش تقدري تلصقي شوي عجين في مكان التمزق
شوفي الصورة كيفاش راهي تتشد


http://www.up.dzbatna.info/uploads/136360956453941.jpg (http://www.up.dzbatna.info/)




كل ما تحطي طبقة من الطبقات السفلية لازم تدهنيها بالزبدة و تثقبيها بالفرشيطة أو الشوكة مليح باش الهواء اللي فيها ما يخربهالناش بأن ينفخها أثناء الطهو
فقط الطبقة الرابعة اللي راح تحطي فوقها الحشو ما تدهنيهاش باش الحشو يلصق فيها و ما يتحركلناش كي نجيو نقصوها في الأخير


http://www.up.dzbatna.info/uploads/136360723661521.jpg (http://www.up.dzbatna.info/)



هكذا راح نكونو خلصنا الطبقات السفلية بهذه الصورة


http://www.up.dzbatna.info/uploads/136361017466451.jpg (http://www.up.dzbatna.info/)

نأتي للحشو نخلط اللوز المرحي و السكر في قصعة كبيرة باش تسهالي العملية نضيفو الزبدة الذايبة و ما زهر لازمك ترشيها مليح أنا كيلو ونص داتلي قرعة كاملة تاع ماء زهر

نحطوه فوق العجينة و نقوم بتسويته من كل الجوانب كما في الصورة

http://www.up.dzbatna.info/uploads/136360985783241.jpg (http://www.up.dzbatna.info/)


نزيدو نحلو الطبقة الأولى الفوقانية وحدها بنفس الطريقة يعني بالنشاء و بلا ما تقلبيها و الأربعة الي بقاو نحلوهم 2 ب 2
تدهني بين كل طبقة و طبقةبالزبدة الذايبة بلا ما تثقبي لأنك راح تقصيهم من بعد

http://www.up.dzbatna.info/uploads/136361015114671.jpg (http://www.up.dzbatna.info/)

ما تدهنيش الحشو من فوق باش الطبقة الأولى تلصق فيه و ما يعييناش كي نجيو نقصوها


http://www.up.dzbatna.info/uploads/136361023967641.jpg (http://www.up.dzbatna.info/)


الطبقة الأخيرة ما تدهنيهاش لأنك راح تسقيها بالزبدة من بعد
ثم قصي البقلاون نتاعك كيما تحبي كاريات أي مربعات ولا مقروضات و رشقيها باللوز اللي كنتي خليتيه من قبل و كي تكملي التقطيع قصي الجوانب


http://www.up.dzbatna.info/uploads/136361024029091.jpg (http://www.up.dzbatna.info/)


ثم اسقي لبقلاوة نتاعك بالزبدة الذايبة حوالي رطل كامل هكذا


http://www.up.dzbatna.info/uploads/136361024018121.jpg (http://www.up.dzbatna.info/)


هنا راكم تلاحظو بدات تتشرب الزبدة


http://www.up.dzbatna.info/uploads/136361025854251.jpg (http://www.up.dzbatna.info/)


كي تحمار من الجوانب زيدو حمروها من الفوق أنا ما حبيتها حمرا بزاف خليتها حتان صفارت فقط

تكوني وجدتي العسل نتاعك تحطيه شوية على النار مع نصف كاس ماء زهر كي تشوفي بلي ما زهر تخلط كامل مع العسل طفي و خليه يبرد (في هذي الوصفة (جزائرية) ما نكثروش ماء زهر في العسل باش ما تتعجنش البقلاوة وتبقى محافظة على قوامها المقرمش)
كي تجي تسقي البقلاوة لازم واحد فيهم يكون سخون و الثاني بارد أنا نفضل تكون البقلاوة هي اللي سخونة والعسل بارد
هنا بعد ما سقيتها ب 5 د


http://www.up.dzbatna.info/uploads/1363610277641.jpg (http://www.up.dzbatna.info/)


http://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifراح تجيك هشوشة ومقرمشة و رائعة المذاقhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gif

خليها تتشرب مليح العسل خليها ليلة أو يوم كامل و من بعد قصيها
أنا ما قصيتهاش لأني روحت لداري كي نولي نوريلكم كيفاش جات من الداخل


ملحوظة لكل كيلو مكسرات تاع الحشو نستعملو كيلو عسل و كيلو ونصف لوز يديرلك حوالي 90 حبة حجمها من التعليم المتوسط



بعون الله كملنا علابالي بلي طولت بزاااااااااااااااااف عليكم اسمحولي لكن حبيت تكون الوصفة (جزائرية) كاملة و مكتملة

شكرا لكم على المتابعة




كنت وعدتكم باش نحطلكم صور تاع البقلاوة كي تتقص
راني رحت لبارح لدار بابا و صورتهالكم
راح تلاحظو بلي الطبقات واضحة جدا و ماشي لاصقين بزاف فوق بعض و هذا لأنو طريقة الدهن بين الورقات هي السر في ذلك
نخليكم مع الصور


http://www.up.dzbatna.info/uploads/136384964299861.jpg (http://www.up.dzbatna.info/)

http://www.up.dzbatna.info/uploads/136384960042271.jpg (http://www.up.dzbatna.info/)

http://www.up.dzbatna.info/uploads/136384960425821.jpg (http://www.up.dzbatna.info/)

و جات مقرمشة وهشة في نفس الوقت و الحشو ماشي خشين يعني كي تحطيف في فمك ما تحسيش بالحبيبات خشينة


ملحوظة هامة جدا نسيت نقولكم عليها :
إذا كنت تريدين أن تبقى البقلاوة هذه مقرمشة ما تغطيهاش بالبلاستيك لأنها راح تولي طرية
إذا كنت عملتيها من أجل باش تاكليها مثلا أو للأعراس خليها في البلاطو نتاعها فقط غطيها بقطعة قماش ناشفة و الوقت اللي تحتاجيها للتقديم انزعيها من البلاطو



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©