قاطو من كوزينتي

[walid]

السلام عليكم يا احلى عضوات
حلوى موالفة نطيبها وكل من يذوقها يقلي اكتبيلي الوصفة (جزائرية)http://www.dzbatna.com/images/smilies/cool.gifhttp://www.dzbatna.com/images/smilies/34.gif
واللي يعجب فيها انها اقتصادية وما تديش الوقت
العجينة:
2 بيضات
كاس سكر
4 ملاعق كبار زيت
3 ملاعق كبار عسل واذا ما عندكش انا ديما ندير شربات عاقدة
1 ملعقة صغيرة بيكاربونات
تخلطيهم الكل مليح حتى يبياض الخليط ومش مشكل اذا بقالك السكر احرش من بعد يذوب
زيديلهم الفرينة حتى تتحصلي على عجينة متماسكة تقسميها على اثنين وتجيبي صنية حجم عادي وتطبقيها فيها بعد ما تدهنيها بالزيت راح تبانلك بالي راهي تجي رقيقة من بعد تطلع
تطيبيها في الفرن كتحمار من الجوانب خرجيها وغطي الجزء الي تطيبيه لانها تنشف بالخف ومن بعد تكون قاسية
الحشو
3 كيسان حليب
4 ملاعق كبار سكر
3 ملاعق كبار نشاء
ممكن اما تحطي شوى فانيليا والا ملعقة كبيرة كاكاو وهذي اللي نفضلها
طريقتي باش ما تخربليش الكريمة نحي كاس نتاع حليب بارد نزيدلو النشاء والكاكاو ونحطي الباقي نتاع الحليب فوق النار كقريب يغلي نزيدلو السكر ونحط فوقه الخليط نتاع النشاء ونخلط باستمرار من الافضل ب un fouet يعني خلاط نتاع اليد
ناخذ الكيكتين اللي طيبناهم من قبل نضع فوق واحدة الحشو ونضع فوقهم الكيكة الاخرى حاولي انك تضغطي بشويش حتى تلصق مع بعض نحط على الوجه شوكولا ذائبو نحطو فوقهم نواد كوكو يعني جوز الهند البروش وممكن اي نوع مكسرات
تخليها تبرد وتحكم روحها حوالي 15د ثم تقطعيها كما تحبي انا نقسمها مثلثات
نخليكم مع الصور
http://im19.gulfup.com/2014-06-03/1338738579353.jpg

http://im19.gulfup.com/2014-06-03/1338738579952.jpg

وهاذو لاول وحدة تحط رد ان شاء الله ما نكونش مللتكم من الشرح مفصل وتعجبكم الوصفة (جزائرية)
تحياتي


http://im19.gulfup.com/2014-06-03/133873857951.jpg






https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©