بريوش فوري بالشوكولا ولاكرام باتيسيار من ابداعي وبطريقتي الخاصة

[walid]

صباح الخير اخواتي كيما وعدتكم بالبريوش راح نحطهولكم ويجيكم روعة وراح يفرح اولادكم بزاف يصلح لفطور الصباح ولا مع قهوة العشية وكيما عودتكم عجينتي ساهلة وماتحتاجش للعجن وعملتو محشي بالشوكولا وباش نزيد بنة على بنة زدت حشيتو بلاكرام باتيسيار وزينتو بلاجولي والسكر قلاصي جربوه وراح تلقاو اسهل منو ماكاش والبنة نخلي الكلمة لكن تبعو معايا لاني راح نحطهولكم بالتفصيل

العجينة
كاس حليب دافئ+مغرف كبيرة خميرة الخبز+4 مغارف كبارسكر +ملح حسب الرغبة + بيضة كاملة+2ملاعق كبيرة حليب غبرة او لحضة وادا مش موجود ماشي مشكل
خلطي كل المقادير
http://sphotos-b.ak.fbcdn.net/hphotos-ak-snc7/486292_403401466400811_131667095_n.jpg

وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي باقي الفرينة + 1خميرة الحلوى وخلطي حتى تتحصلي على عجينة طرية
زيديلها 4 ملاعق زبدة التوريق ذايبة بالتدريج مع العجن

http://sphotos-e.ak.fbcdn.net/hphotos-ak-prn1/14879_403401506400807_1114426945_n.jpg

حتى تدخل الزبدة فيها مليح حتى تتحصلي على عجينة طرية ومطلوقة وتلصق في اليدين ماتخافيش لان عجينة البريوش تجي شوية مطلوقة وكي تختمر راهي تشد روحها
غطيها بالكيس وخليها تختمر
http://sphotos-c.ak.fbcdn.net/hphotos-ak-ash4/307622_403401529734138_580279804_n.jpg

كي تختمر نزلي العجينة من غير ماتعجنيها
http://sphotos-g.ak.fbcdn.net/hphotos-ak-ash4/184469_403401399734151_1734851877_n.jpg

بالسكين قطعيها على2تم عل4 ثم على 8

http://sphotos-b.ak.fbcdn.net/hphotos-ak-ash4/735191_403401939734097_1438039028_n.jpg


تتحصلي على كويرات
http://sphotos-h.ak.fbcdn.net/hphotos-ak-ash4/253813_403401999734091_1148899548_n.jpg

شكليها حسب الصور بطريقة الاونفلوب اللي تخليها تجي خفيفة وهشة من الداخل
حلي الكويرة بشكل دائري وحطي قطع الشوكولا في الوسط
http://sphotos-g.ak.fbcdn.net/hphotos-ak-ash4/385345_413995868674704_617088406_n.jpg

اغلقيها من الجيهتين
http://sphotos-d.ak.fbcdn.net/hphotos-ak-snc6/391845_413992132014411_829864850_n.jpg

لمي الجيهتين واغلقي بصبعك
http://sphotos-f.ak.fbcdn.net/hphotos-ak-prn1/554476_413994422014182_1792329167_n.jpg

عدليها حتى تاخذ شكل البريوش
رشي البلاطو بالفرينة وحطي الحبات فيه وماتنسايش تحطي الجيهة اللي غلقنا منها لتحت وادهنيه بصفار بيضة مخلط مع ملعقة قهوة يعطيك لون جميل جدا
http://sphotos-a.ak.fbcdn.net/hphotos-ak-ash3/542359_413992255341732_2123613323_n.jpg

سخني شوية الفرن وطفيه ثم دخلي السنيوة اللي فيها الحبات في الفرن الدافي حتى يتضاعف حجمها انا خدات مني 45 دقيقة في التخمير شوفو النتيجة

http://sphotos-c.ak.fbcdn.net/hphotos-ak-ash4/374224_413993018674989_1341281496_n.jpg

خرجيها وسخني الفور مليح ملح ودخليها حتى تتحمر
http://sphotos-e.ak.fbcdn.net/hphotos-ak-prn1/556559_413992825341675_639187590_n.jpg
http://sphotos-d.ak.fbcdn.net/hphotos-ak-snc6/227802_413993512014273_93303703_n.jpg
شوفي طيابها من تحت
http://sphotos-f.ak.fbcdn.net/hphotos-ak-ash3/554300_413993588674932_601748248_n.jpg

وفي الوقت هداك وجدي لاكرام باتيسيار انا شريت نتاع الاكياس زدتلها نصف لتر حليب و4كلاعق سكر وشوية فاني وحطيتها على النار مع التحريك المستمر حتى ثقالت خليها بردت وعاودت خفقتها واستعملتها للحشو
http://sphotos-b.ak.fbcdn.net/hphotos-ak-prn1/67415_413993912014233_1075574270_n.jpg

كي تطيب حبات البريوش خليها تبرد تماما لانها كل وين بردت كل وين تروح منها ريحة الخميرة وممكن حتى تعمليها في الليل وتخليها تبات وفي الغد مع الصباح تحشيها وتكملي تزينيها
كي تبرد حليها على الجنب بالسكين وعمريها بلاكرام باتيسيار
http://sphotos-h.ak.fbcdn.net/hphotos-ak-prn1/543902_413994232014201_1080383782_n.jpg




سخني شوية جولي وادهني بيها الوجه وادا مالقيتيهاش طيبي شوية عسل ثقيل وادهني بيه امممممم شوفو كيفاه يلمع
http://sphotos-d.ak.fbcdn.net/hphotos-ak-ash4/374214_413994835341474_273204252_n.jpg
http://sphotos-a.ak.fbcdn.net/hphotos-ak-ash3/539112_413994928674798_488100444_n.jpg

خليها تنشف شوية ورشي كمية من السكر قلاصي بالصفاية


http://sphotos-e.ak.fbcdn.net/hphotos-ak-ash4/230540_413995942014030_1581317787_n.jpg

عند التقديم زيدي رشيها مباشرة بكمية اخرى من السكر قلاصي
http://sphotos-c.ak.fbcdn.net/hphotos-ak-snc6/284751_413996108674680_1084362903_n.jpg





وفي الاخير نتمنى ينال اعجابكم لانو لذيذ جذا وزيد بريزونتابل راني نستنى رايكم وتقييماتكم وتطبيقاتكم





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©