تارتولات روعة.....لعيد الاضحى

[linnou]

]السلام عليكم ورحمة الله وجمعة مباركة على الجميع
هدا اول موضوع ليا ارجو انه ينال اعجابكم
المقادير/
250غ فرينة نوعية جيدة
125غ سكر gلاسي
125غ زبدة طرية
م ص خمارة الحلويات جزائرية
قرصة ملح ولفاني مص
توضع جميع المقادير في الروبو وتخلط بالترتيب وفي الاخير تضاف حبة بيض
تلم العجينة باليد وتوضع في الثلاجة لترتاح 1ساعة ثم نحلها بالحلال وننلبسها لقوالب الترت الصغيرة كامل
ماشي المن التعليم المتوسطة و الى الفرن نطيبها صفرة برك ونخليها تبرد
كريمة باتسيير/
كاس كبير حليب
2 صفار بيض
4م ك سكر
3م ك نشا
قشور حبة كبيرة قارص
1م ك فاني
نحط الحليب فوق النار حتى يسخن في حين نكون خلطت البيض مع السكر والنشا وبعد نضيف الحليب الساخن ونرجع الكل فوق النار ونحرك حتى تثقل نبعدها من النار ونضيف عليها الزاست والفاني و م ك زبدة ونخليها تبرد
كرام شونتيي/
4 مك غبرة الشونتيي
1 م ك كاكاو اسود
نصف كاس حليب بارد
نخلطهم مليح بالباتور ونضعها في جيب حلواني
وفي الاخير على بالي بلي طولت عليكم سامحوني اول مرة ليا
اييييييييييه
نلم جميع الخدمة نضع كرام باتسيير فوق العجينة ومبعد نزين بالكرام شونتيي
ومن الفوق نضع الملمع ونكرفج الشوكولا البيضاء والسوداء
وفي الاخير سامحوني على الاسهاب في الشرح مفصل
وماتنساوش التقييم والدعاء



الصور ماحبوش يطلعولي المرة الجاية نشا الله



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©