درتي بقلاوة و حرتي في الحواشي أدخلي أمي لقاتلك الحل

[admin]

السلام عليكم
إن شاء الله تكونو ملاح و متهنيين و بصحة جيدة
دائما كي نخدمو البقلاوة يصادفنا مشكل الحواشي .... و نقولو واش نديرو بيهم واش نديرووووو بيههههههم هههه هذي المرة أمي لقاتلهم الحل ربي يحفظها أدعيولها راهي مريضة ....
أمالا قاتلي أنا نقلك واش ديري بيهم .... المسكينة راحت شرات 2 علب بيمو و شوية حلوة الترك وجات هههه قاتلي ديري بيهم قاطو واحد آخر
أمالا نقلكم واش درت : رحيت 2 علب بيمو و زدت رحيت بقايا البقلاوة و زدت رحيت حلوة الترك و حطيتهم في وعاء كبير زدت شوية زبدة قيس ملعقة أكل و لميت بشوية معجون حتان تحصلت على عجينة
ممبعد جبت بلاطو مربع و فرشتو بالبلاستيك و دهنته بشوية زيت لتسهيل نزع الحلة من البلاطو ممبعد طرحت العجينة و سويتها جيدا و ذوبت شوية شيكولا و زينت بشوية قلاصاج و خليتها نشفت ممبعد قطعتها مربعات و خرج قاطو فور كأنه بنيون تاع الصح و دارلي كمية لاباس بيها شوفو
http://cdn.top4top.net/i_5d8019d46c1.jpg

http://cdn.top4top.net/i_5d8019d46c2.jpg
تقدرو تعملوهم كويرات و تغطسوهم فيالشيكولا و تزينوهم بمكسرات أو ورود بعجينة اللوز
ثاني تقدروتعملوهم حربوش و تقطعوهم مقروطات و تغطسوهم فيالشيكولا و تزينوهم بمكسرات أو ورود بعجينة اللوز http://www.dzbatna.com/images/smilies/19.gifhttp://www.dzbatna.com/images/smilies/19.gifhttp://www.dzbatna.com/images/smilies/19.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©