***المقروط بالتفصيل للمبتدئات***

[romaissa]

السلام عليكم ورحمة الله وبركاته
بسم الله الرحمان الرحيم
صباحكم فل اخواتي العزيزات
اليوم نقدم لكم المقروط بجميع مراحله وتفاصيله واسراره وكل وحدة تلاقي فيه صعوبة او اول مرة تجربه تنجح فيه باذن الله وتتحصل على نتيجة جد مرضية اذا اتبعت جميع المراحل دون اهمال مرحلة
نبدا على بركة الله

نبدا اولا بالغرس
نشتري نتاع الكيلو غير المنقى ننزع منه العظام وننقيه جيدا نحطه يفور في كسكاس بمجرد ما يطلع البخار خلاص نخليه يبرد شوية ونعبزه بالشوكة ونزيد نقيه مليح ونعجنه بشوية زيت
انا هنا قسمت الكيلو على اثنين جزء للمقروط والجزء الاخر للرفيس
غرس المقروط يعطر بالقرفة والقرنفل مرحيين ناعم ونضيف له خميرة كيميائية + شوية جلجلان


العجين
باه يجيك هشوش وطري عنده سرين
السر الاول نستعمل مرغرين لابال طرية وليست ذائبة وكانك رايحة تخدمي قاطو والنتيجة في الهشاشة ما تتصوروهاش
والسر الثاني يعجن بالماء البارد باه العجين يتلم مليح بصح ما يتعجنش اخدمي على راحتك

المقادير
علبة مرغرين لابال 250غ ننزع نصفها ونملا الفراغ بالزيت نتحصل على كيلة مرغرين + نص كيلة زيت اخدميهم مليح بيدك حتى يتجانس الخليط

http://up.dzbatna.info/uploads/13348237261.jpg

اضيفي صفار بيضة وكملي خلطي بيدك مليح

http://up.dzbatna.info/uploads/13348237841.jpg

اضيفي 3 كيلات دشيشة يعني سميد منزوع منه الرطب وحكي جيدا بالايدي + شوية ملح

http://up.dzbatna.info/uploads/13348238261.jpg

اضيفي 2 كيلة فرينة ونص خميرة كيميائية حكي مليح بالايدي

http://up.dzbatna.info/uploads/13348238641.jpg

http://up.dzbatna.info/uploads/13348239131.jpg

الان اعجني باصابعك بحوالي نص كيلة ماء بارد او اكثر بقليل

http://up.dzbatna.info/uploads/13348239531.jpg
غطيها بكيس نايلون وخليها ترتاح ربع ساعة

حضري لوازم العمل فرينة وسكين نقاش والغرس والطابع

http://up.dzbatna.info/uploads/13348239991.jpg

اقسمي العجين على اربعة والغرس على اربعة

http://up.dzbatna.info/uploads/13348240361.jpg

سطحي العجين حرابيش بطول 50سم وعرض 7 سم خلي الفراغ بيناتهم

http://up.dzbatna.info/uploads/13348240851.jpg

ضعي وسطهم الغرس

http://up.dzbatna.info/uploads/13348241201.jpg

لميهم مليح واضغطي جيدا ما تخليهمش مفتوحين

http://up.dzbatna.info/uploads/13348241621.jpg

نمرر السكين تحت الحرابيش اتسهيل عملية قلبهم

http://up.dzbatna.info/uploads/13348241951.jpg

نقلب جميع الحرابيش لان الجزء السفلي انعم من العلوي لتفادي كثرة التشققات الناتج عن عدم جمع العجينة جيدا

http://up.dzbatna.info/uploads/13348242491.jpg

ننثر فوقها الفرينة لتنعيم اكثر ولملا الفراغات او التشققات ولتفادي لصق العجينة في الطابع ونمسحها باليد

http://up.dzbatna.info/uploads/13348243111.jpg

http://up.dzbatna.info/uploads/13348243571.jpg

نستخدم كيس بلاستيكي لتنعيم وضبط شكل الحرابيش نضع الكيس فوق الحربوش ونملس الجوانب والسطح

http://up.dzbatna.info/uploads/13348243961.jpg

شوفوا كيف اصبحت متساوية وناعمة للحصول على نقش جميل

http://up.dzbatna.info/uploads/13348244431.jpg

نبدا عملية الطبع والتقطيع انا غيرت ودرت شكل المعين حسب الطريقة الموضحة بالصور

http://up.dzbatna.info/uploads/13348244841.jpg

http://up.dzbatna.info/uploads/13348245181.jpg

نكمل عملية التعيين في جميع الحرابيش

http://up.dzbatna.info/uploads/13348245601.jpg

ثم نقص بسكين حاااد

http://up.dzbatna.info/uploads/13348245941.jpg

ننقش ...انا لا اجيد النقش نحب مقروط الطابع اسهل واريح ...

http://up.dzbatna.info/uploads/13348246301.jpg

نستفوا الحبات في صينية

http://up.dzbatna.info/uploads/13348246751.jpg

ملاحظة
الحبات الموجودة في نهاية الصف واللي الغرس ظاهر على برة نغطيه بشوية عجين باه ما يتحرقش وييبس وكي يطب ننزع العجين بالسكين

ندخل الصينية للفرن المسخن مسبقا كي يطيب من اسفل نحمروه من فوق
نخرجه ونسقيه بالعسل وهوساخن والعسل بارد باستعمال ملعقة ونسكب على جميع الحبات

http://up.dzbatna.info/uploads/13348247141.jpg

خليه يبرد تماما والشقوق تتلم وحدها ثم انزعي الحبات برفق وبواسطة سكين

http://up.dzbatna.info/uploads/13348247591.jpg

http://up.dzbatna.info/uploads/13348248121.jpg

والجزء الثاني من الغرس درت بيه رفيس

رطل غرس منقي مفور معجون بشوية زيت +نص علبة زبدة ستار +كمشة كوكاو رقيق مش ناعم
نحمص التشيشة وذرة ملح في مقلاة ونضعها فوق المقادير السابقة ونزيد نص فنجان حليب وهواللي يعطيها الطراوة نعجن مليح ونشكله باي قالب
التشيشة عينك ميزانك ماهي كثيرة ماهي قليلة

http://up.dzbatna.info/uploads/13348248521.jpg

http://up.dzbatna.info/uploads/13348251081.jpg
سلامي الحار لكم ولا تنسوني من صالح دعواتكم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©