دزيريات من مطبخ جزائري الواثقة بالله /تفضلوا

[linnou]

السلام عليكم أحبتي في الله

نتمنى تكونو بخير اليكم طريقتي في صنع حلوى الدزيريات نتمنى تعجبكم

مقادير العجينة

3كيلات فرينة و كيلة زبدة ذايبة و باردة" الكيلة تكون ناقصة شوية" فاني "أنا نستعمل تاع الميزان نحط ملعقة قهوة" و مبل بماء مخلط بماء الزهر و شوية ملح و ذوبت معاهم ملون أخضر فاتح "فاغ بيستاش" بودرو ممكن تستعملي ملون على شكل جال أفضل من البودر طبعا و مش محتاج يذوب في الماء
المهم بعد ما نلم العجينة نقسمها أقراص و نضعها في كيس بلاستيكي و ندخلها الثلاجة ترتاح "عن نفسي نخلاها ليلة كاملة في الثلاجة تشبع راحة ههههههههه حتى يسهل التعامل معها و تتحصلي على النتيجة لي ترضيك

مقادير الحشو

رطل لوز معاه نص رطل سكر بودر "أنا نستعمل سكر المرجان" مبشور حبة ليمون و نلموا ببيضة مضروبة

]الطريقة

نرش العجينة بالنشاء و نحلها بالقراص أو الحلال أو القنوط "الاسم لي يعجبك" ثم نعقبها على آلة ترقيق العجين "المشينة تاع البقلاوة" على رقم 05 ثم على رقم07 ثم نقصوها بقطاعة مدورة و مشرشفة يكونو مرقمين قصاها برقم 7

http://www7.0zz0.com/2014/05/06/11/631614184.jpg
"و العجينة دائما مغطية باه متشيحش" بالنسبة للحشوة نعمل منهم كريات متناسبين و حجم العجينة لي قصيناها و نضع الكرية وسط دائرة العجينة و نقرص علاها بيدي من جميع الاتجاها مثل نعمل دائما مع دزيريات اليد ثم نهبطو شوية بيدينا

http://www7.0zz0.com/2014/05/06/11/707333679.jpg

و نعملو في وسطها ثقب نضع فيه الأوراق لي عملناها بواسطة الطابع تاع البستولي على شكل ورقة "يجيو في مجموعة مختلفة الأحجام يتباعو بخمسة و عشرين الف أنا استعملت أكبر واحد" المهم الاوراق نضعهم وحدة وراء وحدة كما هو موضح في الصورة و في الوسط نضع الباغل

http://www7.0zz0.com/2014/05/06/11/983693194.jpg

ثم ندخلهم فرن مسبق التسخين على نار هادئة و لمدة مش طويلة يعني يشيح من غير ما ياخد لون بعد ما يخرج من الفرن نخليهم يبردو ثم نعسلهم بعسل ساخن مخفف بشوية عصير الحامض بعد التعسيل نخليهم يسقطرو ثم نحط شوية برييون اليمونتار ثم نضعهم في حاويات ورقية

http://www7.0zz0.com/2014/05/06/11/350387210.jpg

نتمنى الموضوع يعجبكم و في الموضوع القادم سأضع أنواع أخرى من الدزيريات بنفس العجينة و الحشوة لكن الشكل مختلف كنت قريتهم في دورة لتعليم الحلويات و صورتهم لكن مزال مطبقتهمش

http://im12.gulfup.com/2014-05-06/1336289395291.jpg

رح نحط بقية الاشكال لي ممكن نعملوهم بنفس العجينة و نفس الحشوة
النوع الأول

هذا هو النوع التقليدي أو العادي للدزيريات أو قنيدلات اليد
نستعملو نفس العجينة الموجودة في الرابط أعلاه لكن مكان الملون الأخضر نستعملو ملون أبيض تاع الميزان "بودر" حتى نتحصل على عجينة ناصعة البياض و بهذا نتفادى اللون الأصفر تاع العجين العادي و نشكلها عادي كما هو موضح في الصورة
http://www2.0zz0.com/2014/05/06/20/881662595.jpg


ثم نزيد كرية أخرى أصغر من الأولى و نحطها فوقها و نلسق حبة لوز ببياض البيض و ندخلو الفرن و كي يشيح نخرجو و بعد ما يبرد يتعسل بالعسل سخون و مخفف بماء زهر
http://www4.0zz0.com/2014/05/06/20/922871643.jpg

ثم نزيد كرية أخرى أصغر من الأولى و نحطها فوقها و نلسق حبة لوز ببياض البيض و ندخلو الفرن و كي يشيح نخرجو و بعد ما يبرد يتعسل بالعسل سخون و مخفف بماء زهر
http://www4.0zz0.com/2014/05/06/20/922871643.jpg


الشكل الثاني

نفس العجينة و نفس الحشوة العجينة البيضاء نعمل منها 2 مارقيريت marguerite بواسطة طابع للحلويات وحدة كبيرة ووحدة أصغر منها و نرشق في الوسط باغل و نكمل بقية المراحل كالمعتاد
http://www5.0zz0.com/2014/05/06/20/844867070.jpg

الشكل الثالث

نفس الحكاية لكن نستعمل طابع مدور و مشرشف مثل لي خدمنا بيه أول مرة حطيت الصورة في الرابط أعلاه لكن هذه المرة نخدمو برقم 4 نضع ملون أحمر "جال" في شوية ماء ثم نغطس فيه الطابع على الجوانب تاعوles bordures هدوك المشرشفين تم نقسم بيه العجينة نتحصل على عجينة بيضاء في الوسط و حمراء على ليبوردير "الحواشي" تحا ثم نشكل منها وردة نطبقها على 2 و نزيد نطبقها على 2 و نرقق شوية من الاسفل نتحصلو على وردة صغيرة نعملو أكثر من وحدة و نغرسهم في وسط الحبة
يجي شكلها هباااااااااال


http://www2.0zz0.com/2014/05/06/20/521166585.jpg


http://www9.0zz0.com/2014/05/06/20/392709089.jpg

الشكل الرابع
عملتو في الموضوع الاصلي

http://www9.0zz0.com/2014/05/06/20/635754654.jpg

الصور هدو للحلويات قبل ما يطيبو و يتعسلو و نحطولهم البريون بعد هدا كامل أكيد شكلهم رح يكون أحلى
نتمنى حبيباتي الموضوع يكون عجبكم و الشرح مفصل كان كافي أي سؤال أنا في الخدمة
ننتظر في تطبيقاتكم
و عندي طلب ادعولي بتيسير الحال و أيضا دعوة لمن علمتني لانو الصورمأخوذة من دورة لتعليم الحلويات
سلاااااااااااااااااااااااااام



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©