أنواع أخرى من الدزيريات /تابع

[loulou ange]

السلام عليكم أخواتي الحبيبات

رح نكمل باذن الله بقية الموضوع لي عملتو الصباح

دزيريات من مطبخ جزائري الواثقة بالله

http://www.dzbatna.info/vb/showthread.php?t=957793

رح نحط بقية الاشكال لي ممكن نعملوهم بنفس العجينة و نفس الحشوة
النوع الأول

هذا هو النوع التقليدي أو العادي للدزيريات أو قنيدلات اليد
نستعملو نفس العجينة الموجودة في الرابط أعلاه لكن مكان الملون الأخضر نستعملو ملون أبيض تاع الميزان "بودر" حتى نتحصل على عجينة ناصعة البياض و بهذا نتفادى اللون الأصفر تاع العجين العادي و نشكلها عادي كما هو موضح في الصورة
http://www2.0zz0.com/2014/05/06/20/881662595.jpg
ثم نزيد كرية أخرى أصغر من الأولى و نحطها فوقها و نلسق حبة لوز ببياض البيض و ندخلو الفرن و كي يشيح نخرجو و بعد ما يبرد يتعسل بالعسل سخون و مخفف بماء زهر

http://www4.0zz0.com/2014/05/06/20/922871643.jpg
الشكل الثاني

نفس العجينة و نفس الحشوة العجينة البيضاء نعمل منها 2 مارقيريت marguerite بواسطة طابع للحلويات وحدة كبيرة ووحدة أصغر منها و نرشق في الوسط باغل و نكمل بقية المراحل كالمعتاد
http://www5.0zz0.com/2014/05/06/20/844867070.jpg
الشكل الثالث

نفس الحكاية لكن نستعمل طابع مدور و مشرشف مثل لي خدمنا بيه أول مرة حطيت الصورة في الرابط أعلاه لكن هذه المرة نخدمو برقم 4 نضع ملون أحمر "جال" في شوية ماء ثم نغطس فيه الطابع على الجوانب تاعوles bordures هدوك المشرشفين تم نقسم بيه العجينة نتحصل على عجينة بيضاء في الوسط و حمراء على ليبوردير "الحواشي" تحا ثم نشكل منها وردة نطبقها على 2 و نزيد نطبقها على 2 و نرقق شوية من الاسفل نتحصلو على وردة صغيرة نعملو أكثر من وحدة و نغرسهم في وسط الحبة
يجي شكلها هباااااااااال
http://www2.0zz0.com/2014/05/06/20/521166585.jpg

http://www9.0zz0.com/2014/05/06/20/392709089.jpg
الشكل الرابع
عملتو في الموضوع الاصلي

http://www9.0zz0.com/2014/05/06/20/635754654.jpg
الصور هدو للحلويات قبل ما يطيبو و يتعسلو و نحطولهم البريون بعد هدا كامل أكيد شكلهم رح يكون أحلى http://www.dzbatna.com/images/smilies/1.gif
نتمنى حبيباتي الموضوع يكون عجبكم و الشرح مفصل كان كافي أي سؤال أنا في الخدمة
ننتظر في تطبيقاتكم
و عندي طلب ادعولي بتيسير الحال و أيضا دعوة لمن علمتني لانو الصورمأخوذة من دورة لتعليم الحلويات
سلاااااااااااااااااااااااااام




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©