سلطان صينية القسنطينيين

[Chakira]

السلام عليكم و رحمة الله تعالى و بركاته
يمكن تتساءلن ما هو سلطان صينية اهل قسنطينة
لن اطيل عليكن اليكموه

http://im34.gulfup.com/waZvg.jpg
في مدينتي لا تخلو اي صينية منه في العيد و التي لم تنجح في صنعه لا تعتبر نفسها نجحت في اي شيء
ارتايت اليوم ان اضع لكم طريقة صنع المقرود القسنطيني للاخوات اللاتي اكلنه من قبل و يردن الوصفة (جزائرية) و لعيون ام هنيدة التي طلبت مني الوصفة (جزائرية) صباحا
هذا واين كملت و جربت كمية صغيرة و اترككن مع الصور و الطريقة
المقادير
3كيلات دقيق(سميد)كاين لي تنحي الدقاق(السميد الرقيق جدا)و كاين لي تنحي الحبة الخشينة ,انا ناخذو كيما راه نغربلو فقط (اختار السميد من النوع الجيد)
كيلة سمن ذايب و بارد+نصف كيلة (نص سمن و نص زيت)
ملح
ماء زهر(انا نستعمل المقطر في البيت ريحتو رائعة)
كيلة ماء
http://im32.gulfup.com/M5HJb.jpg
نبسسو السميد مليح بالسمن
http://im32.gulfup.com/Jgmgs.jpg
و هذا شكلو بعد التبساس (ما تخافيش اذا لقيتيه مبسس بزاف ) اذا كان الدقيق يشرب ليدام راح يكون مليح
http://im32.gulfup.com/pJgfW.jpg
نملح العجينة و نرشها بشوية ماء زهر و نكمل نبل بالكيلة تاع الماء
ما نحطش الماء دفعة واحدة بالشوية ونخلط حتى نحصل على عجينة ما هي يابسة ماهي جارية بزاف
http://im32.gulfup.com/TWz5N.jpg
و هاذي هي العجينة
http://im32.gulfup.com/oPcrd.jpg
http://im32.gulfup.com/0I668.jpg
على حسب نوع الدقيق يمكن تستعملي كيلة الماء كاملة وممكن لا
اذا كان الدقيق ما يشربش ليدام راه تشوفي بلي العجينة جارية قبل ما تحطيلها الماء و كي تحطي الماء تزيد تجرى
ما تخافيش اضيفي الفرينة (او الدقاق ) حتى تتحصلي على عجينى طرية
غطي العجينة و حطيها ترتاح (كل ما ترتاح اطول مدة كل ما تكون مليحة للعمل
ملاحظة: انا نعجن العجينة باه الحبة تاع الدقيق ما تكونش حرشة و ما يكونش المقرود حرش و كاين لي تحب المقرود مدشش(حرش)اذن ما تعجنش بزاف تلم العجينة برك
الحشو
تمر منقي و مرحي (حنا نقلولو الغرس)
جلجلانية محمصة
قرفة و قرنفل مرحيين
ماء زهر
http://im32.gulfup.com/zOLov.jpg
ينقىالتمر و يرحى و نداويوه بالقرفة و القرنفل و الجلجلانية مرحية او حب (مرحية افضل للنكهة) و نبلو بناء زهر ما لازمش يكون الحشو يابس و لا جاري بزاف باش يمشي وسط الحربوش مثل الصورة
http://im32.gulfup.com/zpFlf.jpg
كيما نخلصوا ناخذ قليل من السمن و ندهن بيه الغرس باش يبقى طري
http://im32.gulfup.com/I6Jy7.jpg
ناخذ العجينة اللي كانت ارتاحت
تلقايها يبست (خاصة في الشتاء) ما تزيديش الماء دخليها في بعضها و خذي جزء مثل الصورة
http://im42.gulfup.com/Benax.jpg
اعملي حفرة باصابعك و ضعي حربوش من الغرس و لمي عليه العجينة
http://im42.gulfup.com/2xEMM.jpg http://im42.gulfup.com/iROfu.jpg
http://im42.gulfup.com/22I5j.jpghttp://im42.gulfup.com/5761e.jpgابرمي الحربوش تاعك ما يكون خشين و لا رقيق اذا كان طويل اقسميه على اثنين
http://im42.gulfup.com/v2UuE.jpg
اطبعي بالطابع واعدلي الحراف بيه(لا تضغطي كثيرا باه ما يكونش المقرود رقيق بزاف)
http://im42.gulfup.com/Qct1r.jpg
http://im42.gulfup.com/Tt7sV.jpgقصي المقرودات و زيدي اعدلي مرة اخرى بالطابع و حطي في صينية الفرن
http://im42.gulfup.com/7M8oG.jpg
حطي العجينة الزائدة على الحراف باش ما يتحرقوش
http://im42.gulfup.com/07ZRQ.jpg
طيبيه بلون ذهبي ما تخليهش يحمار حتى ما يبسش
اخيرا انتهيت و اسفة على الاطالة و الشرح مفصل الممل
انا هنا لكل استفساراتكم
لا تنسوا التقييم (5نجوم)
كما ارجو من المشرفات التثبيت لتستفيد الاغلبية
دمتن





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©