مسكوشو بالكاكو لذيذ وخفيف

[admin]

http://www.dzbatna.com/images/smilies/19.gifالسلام عليكم جبتلكم وصفة (جزائرية) لذيذة ومجربة نحبها بزاف وبدون اطالة نبدا بالمقادير 250غ زبدة فنجان ماء كاس سكر عادى 3ملاعق كاكو 4حبات بيض 2كيس خمارة تاع القاطو 2كؤوس فرينة. اما التحضير فنضع في كسرونة الزبدة والماء والسكر والكاكاو وننضع فوق نار هادئة ونحرك حتى تذوب الزبدة ويتخلطو المقادير مع بعض ننزعها من فوق النارونضيف 4صفار بيض ونخلط بسرعة باه مايطيبش البيض ومن هاذ الخليط ننزع فنجان ونتركوه على جنب (نحتاجوه فى التزين) بعدها نضيفو الفرينة مغربلة والخميرة نخلطو مليح بملعقة خشبية وفى الاخير نطلعو بياض البيض حت يصبح ثلج ونضيفوه للخليط بلا ما يتكسر ندهنو المول بالزيت ونوزعو فيه الخليط ندخلوه للفرن يطيب على 180درجة وكى يطيب نخرجوه ونخلوه يبرد (لازم يبرد باه ما يتفتتش )وبعدها نقلبوه مالمول ونزينوه بهذاك الفنجان تاع الخليط الى نزعناه ونذرو فوقه النواتكوكو






https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©