لمخاخ بكريمة الجبن حصريا من المطبخ جزائري الجزائري

[admin]

السلام عليكم اخواتي
لمخاخ عبارة عن سيقار محشي وانا اليوم عملتو بكريمة الجبن هذا الحلوى تقدم مع المشروبات الباردة نخليكم مع الوصفة (جزائرية).
المقادير:
250غ فرينة،50غ زبدة بحرارة الغرفة،رشة ملح،25غ سكر احرش،نصف ملعقة صغيرة فاني،بيضة،3م ك عصير ليمون صافي،3م ك ماء
الكريمة:
300غ جبن كيري،150غ سكر رطب،50غ شكولة بيضاء من النوع الجيد،من 2الى 3م ك حليب،زاست حبة كبيرة برتقال واذا ماكانش نعوضة بزاست حبة كبيرة قارص

الطريقة:
نرمل الزبدة والفرينة والسكر والملح بالاصابع ثم البيضة والماء والعصير واذا ما تلمتش العجينة نضيف قليلا فقط من الماءحتى نتحصل على عجينة متماسكة
هذا شكلها

http:// (http://)http://up.top4top.net/uploads/2014/06/02/top4top_7cfd02b56e1.jpg (http://up.top4top.net/)

نعجن العجينة براحة الايدي حتى تولي مطاطية وملساء

http:// (http://)http://up.top4top.net/uploads/2014/06/02/top4top_136e318aef1.jpg (http://up.top4top.net/)

نغطيها ونخليها ترتاح لمدة نصف ساعة

بعدها نعاودو نعجنو العجينة مرة ثانية ونقسمها كويرات نغطيها بالنيلون ونخليها ترتاح مرة ثانية

http:// (http://)http://up.top4top.net/uploads/2014/06/02/top4top_3e1345019b1.jpg (http://up.top4top.net/)

في هذا الوقت نحضر الكريمة راح نحتاح لفرماج كيري او فرماج كريمي
نخلط 300غ من الجبن مع 150غ سكر رطب و2 الى 3 ملاعق كبار حليب بالباتور جيدا ثم نضيف الشكولة البيضاء المبشورة في لاراب نتاع الزاست يعني رقيقةوفي الاخير نضيف الزاست نتاع البرتقال كمية مليحة وممكن نعوضه بالزاست نتاع القارص
نحتفظ بالكريمة في الثلاجة.
نرجع للعجينة
نرش طاولة العمل بشوية نشاء ونحل العجينة بالحلال ثم نفوتها في الماشينةانا حليتها حتى الرقم 2 كل اخت والماشينة نتاعها نقطعها مربعات انا عملت حبات كبار عملت مربع على9 سم ممكن نصغر في الحبة

http:// (http://)http://up.top4top.net/uploads/2014/06/02/top4top_5e916f0c0b1.jpg (http://up.top4top.net/)

ناخذ لي مول نتاع السيقار نحط الاسطوانة في المنتصف اثني الزاوية الاولى على الاسطوانة ثم ضعي بياض البيض وحطي فوقها الزاوية الثانية والصورة توضح

http:// (http://)http://up.top4top.net/uploads/2014/06/02/top4top_98f7b42bec1.jpg (http://up.top4top.net/)

http:// (http://)http://up.top4top.net/uploads/2014/06/02/top4top_51f468c1471.jpg (http://up.top4top.net/)

نسخن الزيت في مقلاة تكون غاوصة لازم النار تكون ضعيفة نحط حبة الحلوى في الزيت بحيث نبقى ضاغطة بالشوكة من الجهة لي غلقناها حتى تحكم روحها نطلقها ونخليها حتى تطيب نحطها فوق ورق مصاص للتخلص من الزيت الزائد
نخليها تبرد شوية وننزعها من لي مول وهذا شكلها

http:// (http://)http://up.top4top.net/uploads/2014/06/02/top4top_de478f98381.jpg (http://up.top4top.net/)

بعدها نذرذر عليها السكر الرطب ونحط الكريمة في لابوش ادوي ونحشيها بالكريمة وممكن نزينها على الجوانب بالفروي كونفي مقطعين مربعات صغار وهذا شكلهم النهائي

http:// (http://)http://up.top4top.net/uploads/2014/06/02/top4top_5357774c5d1.jpg (http://up.top4top.net/)

http:// (http://)http://up.top4top.net/uploads/2014/06/02/top4top_ea38431ba61.jpg (http://up.top4top.net/)

http:// (http://)http://up.top4top.net/uploads/2014/06/02/top4top_31081c7a621.jpg (http://up.top4top.net/)

http:// (http://)http://up.top4top.net/uploads/2014/06/02/top4top_f5c65734fd1.jpg (http://up.top4top.net/)

نتمنى تعجبكم الحلوى ولا تنسوني من صالح دعائكن
في امان الله
ملاحظة:
1ـ هذا الحلوى تقطع تقريبا32 حبة بالحجم الكبير لكن من الاحسن نعمل حجم صغير اي نصغر في طول المربع لان الكريمة تحتوي على الجبن وكيما نعرفو ان ان كريمة الجبن بنينة بزاف بصح تجي ثقيلة شوية وممكن نعملها في لي مول نتاع لي كورني نقطع دوائر بحجم من التعليم المتوسط ونلفها على الكورني ونلصقها ببياض البيض.

2ـ في هذا الكمية من العجينة نحتاج تقريبا الى 24حبة فرماج كيري وكل حبة فيها16غ.



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©