مرخم بحلوة الترك

[Chakira]

السلام عليكم اخواتي
اولا نشكر الاخت l imperatrice هي لي عاونتني في طريقة وضع الصور مشكورة و كل الاخوات لي شاركوني فالموضوع و حطولي روابط
المهم انا اول مرة راح نحط موضوع هدي الحلوة اسمها مرخم بحلوة الترك هي بنينة و شابة نتمنى تعجبكم و تشجعاتكم تفرحني
[http://im38.gulfup.com/B0yqq.jpg

http://im34.gulfup.com/xBtOu.jpg

الوصفة (جزائرية) هي
المقادير
250غ مرغرين طرية
150غ حلوة الترك
حبة بيض كاملة و صفار (اما البياض نحتفضو بيه من اجل الطلية )
من 2الى 3 مغارف سكر قلاصي
مغارف قهوة فاني
كاس نشاء
نصف شكارة خميرة كيميائية و الفرينة حسب اليد

طريقة التحضير
نضربو بالباتور المرغرين و حلوة الترك و الفاني و السكر و نضيفو البيض و النشاء و الخميرة نبداو نلمو بالفرينة
نحطو العجينة في صاشي ترتاح
ملاحظة صاشي تاع النيلون من محسنات العجائن يساعدو في تحسين العجينة
نحلو العجينة من التعليم المتوسطة ماشي خشينة وماشي رقيقة و نقطعو مربعات و نطهيهم (الفرن يكون سخون مسبقا)
نلصقوهم بالمربى
لتحضير الطلية
هدي الطلية اسمها الطلية المدلوكة انا نمدلكم وصفة (جزائرية) تاع 500غ ر و انتم ديرو وش تحتاجو
عندنا 500غ سكر قلاصي نغربلوه ونضيفو بياض بيضة و شوية ماء فيه نصف مغرفة ضغيرة نسكافي ضيفي بالشوية حتى تتحصلي على عجينة
ندلكوها كيما الكسرة ثم نضيفو الماء العادي بشوية ونبداو نحلوها حتى تتحلحل و يولي القلاصاج يشد فالحبة
حتى ادا استعملتي كيلو سكر ديري بياض بيضة
نغطسو حبة الحلوى فالقلاصاج نخلوه ينشف شوية برك حق ما يسيح القلاصاج الزايد و نضع خطوط الشكلاطة مائلو و نعقب عليها بالكيردو
مثل طريقة الميلفاي
ارجو ان شرح مفصلي موفق واي استفسار انا هنا
و ان شاء الله راح نحطلكم وصفات جزائرية اخرى



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©