قاطو ساهل يطيب بدون الحاجة للفرن

[Chakira]

بسم الله الرحمن الرحيم


هادا قاطو الجوزة عملت الأسبوع لي فات و لان النت معنديش ما صورتوش الاسبوع هذا رجعنا النت صورتو جاهز فقط

http://img32.imageshack.us/img32/5762/photo0725p.jpg



http://img59.imageshack.us/img59/577/photo0724r.jpg


http://img580.imageshack.us/img580/1880/photo0726p.jpg

http://img109.imageshack.us/img109/8611/photo0727a.jpg

و ان شاء الله مرة اخرى نحطو بالخطوات المصورة بالتفصيل الممل للأخوات لي ميعرفوهش



المقادير :

250 غ مرغرين
1 فاني
2 مغارف سكر
2 بيضات و واحدة صفار
1 خميرة
نصف كأس نشاء
رشة ملح
2 مغارف زيت

فرينة نجمعو العجينة
مول الجوزة انا هادا لي عندي و كاين انواع كثيرة فالسوق و كاين حتى المول الكهربائي لكن هذا احسن يتغسل بالماء و الصابون ما يروح ما يجي



http://img11.imageshack.us/img11/2264/photo0735m.jpg


http://img18.imageshack.us/img18/3369/photo0736u.jpg


للتزيين :

شوية جوز مرحي
شوية كوكاو مرحي
شكولا الدهن انا استعملت هادي
شوية مربى مشماش
شكولا بودرة


http://img811.imageshack.us/img811/2265/photo0737k.jpg



تخلطي الزبدة مع الزيت و الملح و السكر ملييييييييييييييييييييييييييح ثم تضيفي البيض و الفاني و تخلطي مليييييييييييييييييييييييييييييح ثم النشاء و الخميرة و تخلطي ملييييييييييييييييييييييييييييييييييح و اخيرا تشيحي بالفرينة حتى تتحصلي على عجينة طرية تعمليها كويرات صغيرة كامل و تغطيها بكيس بلاستيكي
تحطي المول يسخن انا طيبت فوق الكويزينيار غطيتو بورق المنيوم و طيبت يسخن من الجهتين ثم فوق الرخامة تفتحي المول و تحطي الكويرات نتاعك و تغلقي مليح تزيري باه تجي الحبة رقيقة ما تجيش خشينة بزاف و تجي مجوفة فالداخل
تحمريها من الاسفل ثم تزيدي من الجهة الاخرى تقدري بعد 2 دقائق تفتحي عليه و تشوفي اذا حمارت ولا لا حتى تحمار لازم يكون اللون ذهبي ماش تحمار بزاف

لما طيب تنحيها من المول و تحطيها في قصعة و اذا ما خرجتش بسهولة انفضي المول على الحاشية فوق الرخامة تنزل الحلوى وحدها و هكذا حتى تكملي كل الكمية

تخليه يبرد مليح ثم هادوك لحواشي لي يجيو زايدين تحيهم و تعدلي الشكل نتاع الحبة تاعك
تهرسي هادوك الحواشي بشوكة و تخلطيهم مع الكوكاو و الجوز خخخخخخخخخ الاقتصاد مليح نعمة ربي
و تضيفي المعجون و شكولا الدهن و تخلطي مليح من الافضل المعجون تستعملي شوية فقط حتى ما يفسدش الذوق
و للاخوات لي تجيهم شكولا الدهن غالية ممكن تستعمل نستلي كرمال نستلي عادية و طيبها فالكوكوت و لما تبرد تخفقها و تخلط معاها الكوكاو و الحواشي و الجوز
او للاخوات لي يحبو الكابريس ممكن يذوبوها في حمام مائي مع 2 مغارف زبدة و 2 مغارف حليب و لما تذوب تخليها تبرد شوية و تخلطها الكوكاو و الجوز و الحواشي
و كل وحدة حسب ذوقها و حسب امكانياتها

المهم الحشوة لي رح نستعملها نحشي بيها النصف و نلصق كل زوج مع بعض ما لازمش الحشوة تجي خارجة على الحبة ولا قليلة لازم قدقد و نخليها تتماسك
تجيب علبة ولا باطة بغطاء تكون دائرية و نحط الشكولا غبرة و نحط شوية حبات نغلق الغطاء و ندور العلبة حتى يتمرغدو الجوزات فالغبرة و يصبح لونهم مثل حبات الجوز

نخرجهم و نحطهم في صفاية كبيرة او غربال باش نحي الزائد و تقدم في ليكيسات

نتمنى شرح مفصلي يكون مفهوم خخخخخخخخخخخخ تعودت نشرح مفصل بالصور الله غالب المرة الجاية

اذا عجبتكم الوصفة (جزائرية) دعوة خير لبنات



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©