الكورني بالمعجون والجلجلان

[linnou]

السلام عليكم اليوم جبتلكم وصفة (جزائرية) هدي سنين ما درتهاش لكنها جد لديدة وراني معولة نعاود نديرها هدا العيد انشاء الله
المقادير:
250 غ مارغارين لابال
4 حبات بيض
كاس الا 1/2 اصبع سكر
لافاني
الفرينة سوسيمي
خمارة نوارة
ماء الزهر
العقدة
جلجلان محمص
شوية كوكاو مرحي
معجون المشمش
حلوة الترك
التزين
كوكاو محمص ومرحي بقشورو
عسيلة
ماء الزهر

طريقة التحضير :

نديرو الفرن يسخن على درجة 180
نمزج البيض مع الزبدة الطرية حتى تصبح مثل البومادة اي كريمية ثم نضيف السكر والفانيلا ونضيف الخمارة ثم الفرينة حتى تتلم العجينة نرشها رشة بماء الزهر رادا كانت العجينة ما زالها طرية زيدو شوية فرينة المهم حتى نتحصل على عجينة نستطيع تشكيلها
من جهة اخرى نحضر العقدة بمزج المكونات كلها
حل العجينة على طاولة العمل بعد رشها بشوية فرينة سمك 3 الى 4 مم نقطع مستطيلات بالجرارة ثم نشكل مثلثات نحط العقدة على طرف المثلث نلوي العجين لنحصل على شكل الكورني او القمع
نغطسوه في حبة بيض مضربو ونرمدوه في الكوكاو
نستفو كل الكمية في سينية الفرن ونطهوهم لمدة 15د
ملاحضة : كل واحد والفرن تاعها كيفاه داير لازم تتفقدو الحلوى تاعكم بعد 10د من ادخالها
يمكن تبديل الكوكاو باللوز لكن حلاوتها بالكوكاو
نكونو من قبل حلينا العسيلة مع شوية ماء الزهر
كي نخرجو حلوتنا رانا نلاحضوا انها ولات دهبية اللون نديروها تتعسل ونحطوها في لي كيسات راهي بنينة بزاف وبصحتكم
اسمحولي كي نصورو راني نحطلكم الصور



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©