قلب اللوز رائع جداااا وأحسن من تاع برا ....من المطبخ جزائري الجزائري

[linnou]

سلام عليكم بنات


شوفو بنات هاد قلب اللوز صراحة جربتو أكتر من مرة وكما يقا المتل بالتجربة تكتسب المهارة ....ياااك ؟؟؟؟ هههههه زعمة راني ماهرة ...حوحو ههههههه

عملتها في رمضان لي فات كما راح يتبين في الصور وما خليتها ما باتت ما والو .......بعد المغرب قضينا علينا تالمو جات بنينة بزااف

وجات أحسن من تاع برا ...والله على ما أقول شهيد .....بدون إطالة المقادير والكيفية بالتفصيل الممل


المقادير والكيفية :

أولا وقبل كل شي نحضر الشاربات لي هي

1litr ماء

500 غرام سكر

بعد لي يغليو مليح ....نحوه من فوق النار ونضيف له شوية عصير ليمون وملعقة عسل عادي

وخليه يبرد مليح



خلطي أختي 500 غرام سميد من التعليم المتوسط مع 250 غرام سكر عادي بالملعقة الخشبية أو بأصابع اليد ....بعدين ضيفي 125 غرام سمن دايب وخلطي ...وتكوني وجدتي خليت سائل متكون من

65 ملل تاع ماء زهر و-60 ملل تاع ماء.....سقي بنص كمية السائل وخلطي بالملعقة الخشبية ونص لاخر خبيه في التلاجة للغد إن شاء الله

و غطيها بمنشفة وخليها في بلاصة بعيدة تبات ليلة كاملة


في الغد

نعاودو نحلو الخليط بأصابع اليد و نسقي بالكمية المتبقية من سائل الماء وماء الزهر

رايحة تتحصلي على الصورة التالية

http://up.top4top.net/uploads/2014/06/03/top4top_5527ac3b8a1.jpg


ندهن صينية الفرن بالزبدة المدابة ...زبدة وليس سمن كما الصورة

ونقسم الخليط إلى 2 ونضع النصف في الصينية و نملسوه بملعقة مبللة بقليل من الماء

كما الصورة

http://up.top4top.net/uploads/2014/06/03/top4top_5527ac3b8a2.jpg

http://up.top4top.net/uploads/2014/06/03/top4top_5527ac3b8a3.jpg


ونضع خليط اللوز المتكون من كيلة لوز ...ربع كيلة سكر ...شوية زبدة مدابة وشوية شوية قرفة بودرة نخلط الكل ونضعه فوق كمية السميد الأول كما الصورة

http://up.top4top.net/uploads/2014/06/03/top4top_5527ac3b8a4.jpg

http://up.top4top.net/uploads/2014/06/03/top4top_5527ac3b8a5.jpg


ونضيف الخليط التاني تاع السميد فوقه غير بالعقل ونملسوه كدلك بالملعقة المبللة كما الصورة

http://up.top4top.net/uploads/2014/06/03/top4top_5527ac3b8a6.jpg


ندهنو الوجه بالزبدة المدابة أيضا باش تتحمر مليح ونقطعها ونرشق حبات اللوز في كل مربع كما الصورة

http://up.top4top.net/uploads/2014/06/03/top4top_5527ac3b8a7.jpg

http://up.top4top.net/uploads/2014/06/03/top4top_5527ac3b8a8.jpg


وندخلوها للفرن مسخن مسبقا على درجة حرارة 200 لمدة 45 دقيقة ...يعني حتى تتحمر مليح وهدا سر من أسرار نجاح قلب اللوز

http://up.top4top.net/uploads/2014/06/03/top4top_5527ac3b8a9.jpg


وفور أجراجها من الفرن نسقيها بسيرو بارد لي كنا حضرناه لكن ....لازم نسقيها على مرتين وليس شرط نسقيها بكامل كمية السيرو

http://up.top4top.net/uploads/2014/06/03/top4top_5527ac3b8a10.jpg


بعدين ندخلها للفرن وهو طافي والباب شوية مفتوح بملعقة خشبية وخليها تتشرب

وعاودي خرجيها وعاودي سقيها غير بالعقل وخليها تبرد مليح

هادي بعد ما قطعتها اليكن الصور تتكلم عن نفسها

http://up.top4top.net/uploads/2014/06/03/top4top_8e2b55b32b1.jpg

http://up.top4top.net/uploads/2014/06/03/top4top_3141a1b2372.jpg

http://up.top4top.net/uploads/2014/06/03/top4top_3141a1b2373.jpg


وش رايكم حبيباتي شوفو الفتات تاعها حاكم رحو جااااات روعة

ومن أسرار نجاح هاد الوصفة (جزائرية) من تجاربي

1- لازم يطيب قلب اللوز في صينية تاع ألومنيوم ...علاه ....باش ينحرق مليح من تحت

2- ملعقة العسل لي في مقادير السيرو هي لي تعطي نكهة الحلو المن التعليم المتوسط

3-لازم طيب مليح ...يعني ما تتقلقيش عليها باش تنحرق من فوق

4-عدم العجن ...طريقة الخلط بالملعقة الخشبية وبس

أرجو انكم تجربوها ولا تنسوني من صالح دعائكن أن يرحم الله أبي ويشفي أمي ويعينني على غربتي

وطبعا المعرف لي على الصور هو معرفي في منتديات أخرى




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©