عيد ميلاد ابنك قريب و محتارة واش تعمليلو ادخليي

[salima]

السلام عليكم يا احلى عضوات
اليوم حابة نويلكم طورطات خدمتها لاعياد ميلاد
الحقيقة ابني يموت على سبيدرمان و احترت كيفاه نديرهولو في عيد ميلادو
شريتلو كل شيئ سبيدرمان حتى اللباس و بقاة الطورطة
بديت عملية البحث و التنقيب لقيت بللي كاين صور يحطوها فوق ليتارت مي يجيو واجدين وكاين طابعات خاصة بيهم كاين محل هنا فالبرج يخدمهم يسموهم imprimés alimentaires المهم انا الغالي ما ندورش بيه http://www.dzbatna.com/images/smilies/biggrin.gif امالا جاتني وحد الفكرة خممت في القلاصاج نتاع المخبز ياك ييبس و كنت شفت وحد الاخت في منتدى شرقى خدمت ميكي بالشكلاطة امالا قلت نفس الفكرة شريت الملونات المختلفة و اول حاجة جربت فيها هي السنفورة
خدمت جينواز و كريم شانتييه و ديكوريت الطورطة و بقات السنفورة جبت ورقة شفافة اللي يديروهم التلاميذ فالبحوث و طبعت صورة السنفورة في ورقة عادية حطيت الورقة البلاستيكية فوق الرسمة لصقتها باللاصق باه ما تتحركش
خدمت القلاصاج و حطيت في فناجل و لون فنجان بالازرق و اخر بالاصفر و الاخر خليتو ابيض و فنان اخر جمعت فيه الالوان اللي عندي كامل باه يعطيني الاسود ما لقيتوش يتباع
خدمت 4 اقماع بالورق و في كل قمع حطيت لون و بديت نرسم السنفورة
اول حاجة رسمت الحدود كامل و من بعد لونت الباقي الخطأ اللي درتو اني ما خليتش الحدود ينشفو و هذا عطالي درس
رسمتها وخليتها نشفت كي القلاصاج

و في المساء كي روحت مالخدمة ما عليا غير حطيت الرسمة فوق الطورطة و شوفو النتيجة

http://im29.gulfup.com/07aE1.jpg

يتبع

http://im29.gulfup.com/TxsK2.jpg

و طبعا بعد السنفووووورة كل الشخصيات رجعت ممكنة

فاجأت ابني في عيد ميلاد بطورطة غلفتها بعجينة المارشميلو و حطيت فوقها صورة سيبدرمان و كانو الاطفال فرحانين و هوما ياكلو في وجهو هههههههههه

http://im14.gulfup.com/So8m1.jpg

http://im14.gulfup.com/r5pY2.jpg

و هاذي درتها لوليد صاحبتي


http://im14.gulfup.com/3GeJ3.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©