بتي فور كيما نتاع برا هايل

[romaissa]

http://www.dzbatna.com/images/smilies/dj_17.gif اليوم جبتلكم هذه الوصفة (جزائرية) أيضا من عند أستاذي
المقادير
500 غ مارغري لابال + 650 غ سكر قلاصي + 5 بيض + كيلو و 200غ فرينة + لفاني + عطر القارص
ذوبي المارغرين بيدك ضيفلها السكر و خلطي بالباتور حتى يمتزج الخليط مليح ثم ضفي البيض بالحبة و خلطي بالباتور ثم الحبة الاخرى و خلطي و هكذا حتى تكملي البيض كامل ثم حطيلهم خليط الفرينة و لفاني و خلطي بيدك حتى يولي عجينة طرية شوية ثم سخني الفور و خرجي ب لابوش أدوي الشكل اللي تحبيه طويل أو التاج و دخليه للفور تحبي طيبيه أبيض و إذا حبيتي حمريه شوية و لصقي بالكونفيتور أو لاجولي زوج زوج
إذا حبيتي شكولا نقص مقدار من الفرينة و عوضيه بالكاكاو ( المقدار اللي تنحيه من الفرينة نفسه عوضيه كاكاو )
أسرار نجاح هذه الوصفة (جزائرية) :
ضفي في الأول كيلو فرينة برك و طيبي حبة واحدة برك إذا بقى الشكل كيما دخلتيه كي كان عجينة أي بقاو الخطوط أعرفي بلي يكفي الفرينة و إذا تخسر زدي الفرينة
* الصينية لا تدهن و لا ترش
* سخني الفور كي تكوني قريب تكملي خلطه و طيبيه ثم ثم
* لا تضعي الخميرة
تقدري جربي نصف الكمية اقسمي كلش على زوج ( البيض ديري 2 و نص حبة مضربة)
http://nsa22.casimages.com/img/2014/04/03/mini_120403062050488050.png (http://www.casimages.com/img.php?i=120403062050488050.png)
شهية طيبة جربوه ماتندموش
المرة الجاية نحطلكم طريقة أخرى نتاعو أيضا



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©