لي يجيهم المخبز يابس يتفضلوا

[Chakira]

السلام عليكم ورحمة الله وبركاته
إذا عندكم مشكل مع المخبز يعني يجيكم يابس نعطيكم السر وبإذن الله متلقاوش مشكل:
1-كي تجي تلمي بالبيض ديري كمية الصفار تكون اكثر من البياض يعني مرة بيضة كاملة ومرة صفار حتى يتلم وزيدي قشور الليمون والفانيلا باش متجيكش ريحة البيض (والبياض لي يبقالك ديري بيه القلاصاج)
2-سر آخر هو خميرة الحلوى راهي تخليه طري (كل كيلو ديريلو كيس خميرة )
3-متخليهش يطيب حتى يحمار لازم ينشف برك وميحمارش لا من فوق لا من تحت
4-وكي يطيب ويبرد عسليه بشاربات سخووونة وخليه حتى ينشف باش تديريلو القلاصاج
هكذا يجيك طري وبنين سورتو اذا خدمتيه وخليتيه في الفريجيدار ساعتين او اكثر ممكن ليلة كاملة ولغدوا شكليه وطيبيه وحاولي متكثريش الفرينة أثناء التشكيل جيست باش ميلصقلكش برك او ديريه بين 2 قطع سيلوفان أو ساشي وحلليه ل 1 سم
نتمنى تستفادو منو خواتاتي
لاتنسوني بالدعاء في ظهر الغيب



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©