بودينغ بالشكولا سااااااهل وسريع

[admin]

[السلام عليكم أخواتي هادي اول مشاركة ليا معاكم نتمنى تنال رضاكم
البارح جربت وصفة (جزائرية) سريعة وهاااااايلة تاع البودينغ وحبيت نشاركم بيها لتعم الفائدة واليكم الكيفية
s* المقادير

- 2 بأكيات قاطو كاسكروت ( او اي نوع تختاريه)
- 100 غ زبدة طرية
- 10 مغارف كاكاو
- فاني سائلة ( حسب الرغبة)
- عسل يكون ثقيل شوية
- حلوى الترك ( ممكن علبة صغيرة وتقدري تزيدي الا تحبي اكثر)
- 2 باكيات شكولا للقلاصاج ( النوع اختياري انت ومقدورك)

* طريقة التحضير :

تطحني القاطو رقيق داخل الروبو بعدها تفرغيه في إناء واسع تزيديلو الكاكاو والزبدة والفاني وتلميه بالعسل حتى يولي عجينة طرية تبسطيها على بلاستيك تحليها رقيقة بالرولو بعدها تبسطي فوقها حلوة الترك بعد ما تفتتيها حتى تولي كوش يعني بعدها تغطيها بالبلاستيك وتحليها شوية برك غير باش تلصق في العجينة بلا ما تدخل فيها بعدها نحي البلاستيك الفوقاني وابداي لفي كي شغل بيسكويت رولي بواسطة البلاستيك اللي التحت باش يعاونك حتى تتحصلي على رولو اعدليه مليح وذوبي الشوكولا وقلاصيه من الفوق والجوانب الظاهرة تاعو ولما تبدا الشكولا تبرد خططيه بواسطة الشوكة بالطول ورشي عليه شوية سكر قلاصي او اللي حبيتي وبرديه وبعدها قطعيه بالسمك اللي حبيتي وقدميه
وبالهناء والشفاء
يجي بنييييين ويسلك كي يجيك ضيف على غيلة وما يلقى عندك والو واقتصادي بزااااااااااااف


ize="4"][/size]



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©