وصفة (جزائرية) رائعععععععة للبسيكريات من المطبخ جزائري الجزائري هيا ادخلوا جميعا للتعرف عليها

[romaissa]

السلام عليكم اخواتي كيف حالكم ان شاء الله لا باس
اليوم حبيتكم تشوفوا هادو الي هوما عبارة عن معجنات يمكن متعرفهومش من قبل كانت امي اللعزيزة ديرهمنا نشربوا بيهم القهوة ربي يخليهانا ادعولها بالشفاء لانها مريضة
هوما يشبهوا للمسمنات بصح هذه عجنتهم تجي مبسة شويا فيها شوية زبدة طرية في لعجينة
حنا نقوللهم بسيكريات عندهم مذاق رائعععععع و ساهلين و مايطلبوش بزاف
الوصفة (جزائرية) ساهلة ماهلة
ما عليك غير تحطي في قصعة شوية سميد مع القليل من الفرينة +شوية ملح +شوية زبدة طرية +بسيها بيدك مليح +اعجنيها بالماء كيما تدلكي المحاجب+كوريها مثل المحاجب اتركيها ترتاح
ممبعد حليي الكرية ثم طبقيها على اربعة رايحة تتحصلي على مربع زيدي حليه شوية ثم اقسميه على زوج بالسكين تتحصلي على مثلثين هزيه و حطيه في الزيت و كبي عليها بالملعقة حتى تنتفخ و اتركيها تطيب على الجهتين و هكذا
رشيهم بالعسل انا زدت ذرذرت عليهم مكسرات و قدميهم و شهية طيبة
http://up.top4top.net/uploads/2014/01/26/top4top_23cfd3fef91.jpg

شوفو هنا كي تجي مورقة ممممممممممم و الله ماتتشبعش خفيفة و بنييييييينة


http://up.top4top.net/uploads/2014/01/26/top4top_23cfd3fef92.jpg



http://up.top4top.net/uploads/2014/01/26/top4top_6d392cc3db3.jpg


انتظروني بعد قليل باذن الله



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©