طريقتي البسيطة في تزيين كيكة عيد ميلاد أخي الصغير

[said]

السلام عليكم http://www.dzbatna.com/images/smilies/dj_17.gif
البارح عيد ميلاد خويا الصغير ريان درتلو كيكة وزينتها بالشوكولا وقلوب الحلوى و جات روعة
بصراحة أنا الجينواز دايما نديرها بدون خميرة و دايما تنجحلي لكن شفت بزاف وصفات جزائرية يديروها بالخميرة فزدت فالوصفة (جزائرية) ديالي 2 صاشيات خميرة و طلعتلي الحمد لله و خرجت بزااف بنينة
المقادير :
8 بيض
2 خميرة
كأس سكر (حوالي 130 غ)
نصف كأس زيت
ربع كأس حليب
1 و نصف كأس فرينة نزيدو نكملو النصف تع الكأس كاكاو
الغانش تع الشيكولا :
دوبت 2 شيكولا نوار فحمام مائي ثم زدتلهم 2 باطات ياغورت طبيعي و نخليها تبرد
الكريم شانتيي :
هنا الجينواز كي طابت قسمتها على ثلاثة الجزء الأول درتلو الكريم شانتيي و الجزء الثاني (الوسط) درتلو الغاناش تع الشيكولا و الجزء الثالث درتلو الكريم شانتيي والطريق تع الكريم 100 غ شانتيي و كأس حليب بارد مع ملعقة كبيرة سكر مسحوق و نضربهم بالباتور حتى تولى كريم
طريقة عمل الجينواز:
نضرب البيض والسكر و قرصة ملح 5 دقائق فوق حمام مائي ثم نحيها و نكمل 10 دقائق حتى يبرد الخليط نضيف الزيت و الحليب نحبس الباتور و نجيب ملعقة تع خشب أو سباتول و نضيف الفرينة تكونو صفيتوها مرتين أو ثلاثة مع الكاكاو والخميرة ون ضيفوها للخليط و نخلط ببطئ من تحت للفوق نقسمو الخليط في 2 مول و نديرهم يطيبو أو ديرو نصف الكمية في مول طيبوها ون حيوها ثم ز يدو طيبو الثانية
بالنسبة للشاربات :
3 ملاعق كبيرة سكر مع كأس ماء نحطوهم يغلو حولي 3 إلى 4 دقائق
للتزيين :
بعد ما تكملو تحشيو الطبقات ديرو الغاناش من فوق و حاولو تسطحوها ملييح بش تجي شابا و ديرو القلوبا تع الحلوة و كتبو أي شيء تحبوه و نشالله تعجبكم
http://im33.gulfup.com/HyMUG.jpg (http://www.gulfup.com/?D9XrfO)
http://im32.gulfup.com/paIaf.jpg (http://www.gulfup.com/?nKLF7Q)
http://im34.gulfup.com/8kh2w.jpg (http://www.gulfup.com/?HA4epA)
http://im31.gulfup.com/NONRM.jpg (http://www.gulfup.com/?T9nGad)





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©